بو بیرلیک بیزیم گؤردویوموز قدریله دؤرد بنزمزین بیرلیگیدیر. مجبوری نیکاح دئییرلر، باخ، اونون کیمی بیر مجبوری بیرلیک گؤروروک. بونلاری موتیواسییا ائد‌ن، بیر آرایا گتیرن شئی تورکییه‌نین منفعتی، گلجیی، گؤرولجک ایشلر دئییل، جناب پرزیدنتیمیز رجب طایییب اردوغانا ضد مؤقع‌ده دایانماقدیر.

آخار. آذ خبر وئریر کی، بو سؤزلری تورکییه باش ناظرینین معاوینی بکیر بوزداغ دئییب.

«اونلاری «رجب طایییب اردوغانا ضد اولانلار بیرلیگی» و یا «غضبلیلر بیرلیگی» آدلاندیرماق اولار. پرزیدنتیمیزه قارشی غضبی اولانلار بیر یئره توپلاشدیلار. امینم کی، بو اتفاق مرحوم نجم الدین ارباکانین سوموکلرینی سیزلاتمیشدیر. چونکی ارباکان بیین تمثیل ائتدیی بوتون دیرلرین دوشمنی‌دیر ج ح پ. بونلارین پرزیدنته قارشی اولان نیفررتلری، کینلری عقللارینی باشلاریندان آلیب، نه ائتدیکلرینی بیلمیرلر»، - بوزداغ بیلدیریب.

خاطیرلاداق کی، تورکییه‌نین جمهوریت خالق، ایگی، سعادت و دموکرات پارتییالاری آراسیندا سئچکی کوالیسییاسی یارادیلماسی حاقیندا راضیلیق الده اولونوب.