۱۱:۰۰

ارمنی سلاحلی بؤلمه‌لری آغدامدا سووارما ایداره‌سینین امکداشلارینین اولدوغو یوک آوتومبیلینی آتشه توتوب.

آپا-نین خبرینه گؤره، آغدام رایونونون چمنلی کندی اراضی‌سینده ناساز اولان سو آرتیزیان قویوسونو تعمیر ائتمه‌یه گئدن ایشچیلر دوشمن طرفیندن آتشه معروض قالیب. ۰۲ آج ۴۱۶ دؤولت نمره نیشانلی، «کاماز ۴۳۱۱۴» مارکالی آوتومبیل گوله-باران ائدیلیب.

ایداره‌نین ماشیندا اولان ۵ امکداشی خسارت آلماسا دا، آوتومبیل یارارسیز حالا دوشوب. حاضردا ماشین حادثه یئریندن چیخاریلیر.

ایداره‌نین ریسی حافیظ عظیم‌زاده بیلدیریب کی، اراضی‌ده یوزلرله آرتیزیان قویوسو وار. ارمنیلر کند ساکینلری ایله یاناشی، اراضی‌ده فعالیت گؤستره‌ن ایشچیلری ده آتشه توتورلار.

مدافعه ناظیرلییندن فاکتی تصدیق ائد‌رک بیلدیریبلر کی، بو، ارمنیستان طرفیندن مولکی اهالینین حقوقلارینین کوبود شکیلده پوزولماسینا یؤنلمیش مقصدیؤنلو تخریباتیدیر:

"جبهه خطین‌ده وضعیت بؤلمه‌لریمیزین تام نظارتی آلتیندادیر".