جمهوریت خالق پارتییاسینین لیدری کمال کیلیچداروغلو پرزیدنت سئچکیسینده اؤزونون نامیزدلیینی ایر‌لی سورمک عوضینه پارتییانین بیر باشقا تانینمیش فیگورو – محرم اینجه‌نین نامیزدلیینی ایر‌لی سوروب. بونون ایسه ایکی سببی وار.

آخار. آذ خبر وئریر کی، بو سؤزلری پولیتولوگ الخان شاهینوغلو ج ح پ-نین نامیزد کیمی محرم اینجه‌نین نامیزدلیینی بو گون رسما بیان ائدجیی باره‌ده معلوماتی دیرلندیررکن قید ائدیب.

«بیرینجی سبب اودور کی، کمال کیلیچداروغلو سئچکی‌ده ایندیکی پرزیدنت رجب طیب اردوغانلا یاریشسایدی، اونا اودوزاجاقدی، بو حالدا پارتییا لیدرلییندن ایستعفا وئرمک مجبوریتینده قالاجاقدی. اونا گؤره ده کمال کیلیچداروغلونا پارتییا داخیلینده قوربانلیق قوزو لازیم ایدی. ایکینجیسی، کمال کیلیچداروغلو اینجه‌نی ایر‌لی سورمکله اونون سیماسیندا پارتییاداکی اساس رقیبیندن قورتولماغی دا دوشونور. چونکی کمال کیلیچداروغلو بیلیر کی، اینجه اردوغانین خئیلی گئریسینده قالاجاق و بوندان سونرا پارتییا لیدرلییندن ال چکه‌جک»، - شاهینوغلو وورغولاییب.

پولیتولوق قید ائدیب کی، بو یاناشمادا یانیلمالار دا اولا بیلر:

«اینجه اردوغانا مغلوب اولسا بئله، کیفایت قدر سس توپلاسا، بو، اونون گله‌جکده ج ح پ لیدرلیینه ادعاسینی اورتایا قویا بیلر. واختیله ائله کمال کیلیچداروغلو دا عینی یوللا پارتییاسینین باشینا گلمیشدی. او، ایستانبولدا بلدییه سئچکیلرینده آ ک پ-نین نامیزدینه آز فرقله مغلوب اولموشدو، بونا باخمایاراق، قازانیلان سسلر بیر مدت سونرا اونا دنیز بایکالی عوض ائتمه‌یه شرایط یاراتمیشدی».

ائ.شاهینوغلو همچینین قید ائدیب کی، اینجه کمال کیلیچداروغلودان داها گوجلو سیاستچیدیر.