دونالد ترامپ ایرانلا ایمضالانان نووه راضیلاشماسی ایله باغلی وئرجیی قراردا ایکی دفعه دوشونمه‌لیدیر.

آخار. آذ خبر وئریر کی، بونو ایتالییا مطبوعاتینا آچیقلاماسیندا آمریکانین کئچمیش دؤولت کاتیبی جون کری دئییب. اونون سؤزلرینه گؤره، ایرانلا نووه راضیلاشماسینین ساخلانیلماسی چوخ اؤنملیدیر:

«بو راضیلاشمانین لغوی فیکیر آیریلیغینی آزالتماغا یاردیم ائتمه‌یه‌جک. عکسینه، ایران طرفی راضیلاشمانین شرطلرینه عمل ائتمه‌مک ایمکانی قازاناجاق. دیگر طرفدن، بیز تهرانین نه ائد‌جکلری حاقیندا معلوماتسیز قالاجاغیق».

قئید ائدک کی، ترامپ ایرانلا نووه راضیلاشماسیندان چیخیب-چیخمایاجاغی باره‌ده قراری بو گون اعلان ائد‌جک. «نیو یورک تایمز» ایسه ترامپین سازیشدن چیخاجاغی باره‌ده معلومات الده ائتدیینی یاییب.