دونن سوسیال شبکه‌لرده ارمنیستانین یئنی باش ناظری نیکول پاشینیانین «ارمنیلر بئله بیر قورخاق دؤولتله ۲۵ ایلدیر قونشو اولماقدان خوشبختدیر و قونشوموزا ان آزی ۱۰۰ ایل بئله اولماغی آرزولاییریق» تیپینده بیر آچیقلاما وئردیی باره‌ده معلومات یاییلیب. قیسا مدتده سوسیال شبکه‌لری آغوشونا آلان و حتی جدی شخصلرین رئاکسییا وئردیی «بیانات»این منبعی ایسه یوخدور.

آخار. آذ خبر وئریر کی، نیکول پاشینیانین آذربایجانین ایشغال اولونموش خانکندی و شوشا شهرلرینه سفرینده ایشلتدیی ادعا ائدیلن بو فیکیرلر اونون سون ۴ گونده ارمنی مئدیاسیندا یاییلان هئچ بیر آچیقلاماسیندا عکسینی تاپماییب. حتی خاریجی مئدیادا دا پاشینیانین بو جور آچیقلاماسینا راست گلینمیر.

دیققتچکن مقام ایسه خاریجی ایشلر ناظیرلییی معاوینی خلف خلفووون ژورنالیستین پاشینیانین آذربایجانلا باغلی میلیتاریست بیاناتلار سسلندیرمه‌سی ایله باغلی سوالینا تعصفلندیینی بیلدیرمه‌سینین همین یؤنه چکیلمه‌سیدیر. بئله کی، خلفووون یاییلان ویدئو-موصاحیبه‌سینده ده اونا «پاشینیان آذربایجانا قورخاق دئییب» سوالی عونوانلانماییب.

بس سوسیال شبکه‌نی زبط ائد‌ن بو خبر هارادان قایناقلانیر؟

یازیچی آتاقام سوسیال شبکه‌لرده موذاکیره‌لر زامانی خبرین ایلهام ایسماییلین سارکازملا یازدیغی بیر ایستاتوسدان باشلادیغینی قید ائدیب.

«مسئله‌یه آیدینلیق گتیریم: او یازینین مؤلفی - ایلهام بی بیر یازیچی کیمی اؤز اموسییالارینی بیلدیریب، پاشینیانین دئدیینی ادعا ائتمیر، اؤزونون یازدیغی کیمی، یاندیغیندان ائله دئییب».

ایلهام ایسماییلین بو سارکازمینی جدی قبول ائد‌ن تاریخچی دیلاورعظیم‌لی پاشینیانین «بیانات»ی ایله باغلی بؤیوک بیر مقاله یازیب. بوندان سونرا ایسه مسئله سوسیال شبکه‌لرده سرعتله یاییلیب.

ارمنیستان‌داکی اولایلاری دقتله ایزله‌یه‌ن پولیتولوقلار دا پاشینیانین بو آچیقلاماسی ایله باغلی هر هانسی منبع‌یه راست گلمدیکلرینی بیلدیریبلر. پولیتولوق شاهین جعفرلی قید ائدیب کی، پاشینیانین «آذربایجان قورخاقدیر»، «بؤیوک ارمنیستان قوراجاغام و اولجه تورکییه‌نی بیتیرمکله باشلایاجاغام» شکلینده بیاناتلاری ایله باغلی هر هانسی جدی منبع‌یه راست گلمه‌ییب:

«پاشینیانین زهنیتی و مؤوقعیی معلومدور، اما من ارمنی سایتلاریندا اونون کونکرت بو جور آچیقلامالارینا راست گلممیشم. بلکه گؤزومدن یایینیب. کیمسه راست گلیبسه، سؤیله‌سین. بونو تاریخچی دیلاور عظیم‌لی اویدوروب».

شاهین جعفرلی قید ائدیب کی، خلف خلفووو دا ژورنالیستلریمیز چاشدیریب:

«پاشینیان او سؤزلری دئمه‌ییب، بیزیمکیلر اویدوروب. اونون رئال بیاناتلاری (سپارات‌چی رژیمین طرف کیمی تانینماسی و س.) قالیب بیر یاندا، بیزیم ژورنالیستلر اویدورما ادعالار باره‌ده دیپلماتیمیزا سوال عونوانلاییرلار».

تانینمیش ژورنالیست تالح شاهسووارلی دا سورغوموزا جواب اولاراق بیلدیریب کی، بئله بیر خبره راست گلمه‌ییب. یازدیغی ایستاتوسو ایسه پاشینیانین میلیتاریست آچیقلامالارینا، خصوصاً باش ناظر کیمی ایلک سفرینی شوشایا ائتدیینه گؤره‌دیر.

پولیتولوق ائلخان شاهینوغلو ایسه داغلیق قاراباغ مؤوضوعسونون لاغلاغییا چئوریلمه‌مه‌لی اولدوغونو وورغولاییب:

«کیملرسه نیکول پاشینیانین دئمدیی سؤزو اونون آدینا یازیب سوسیال شبکه‌نی لرزه‌یه سالیبلارسا، بونو ائتمه‌مه‌لی ایدیلر. اونسوز دا ایشغالا گؤره عصبلریمیز تاریما چکیلیب. آنجاق اورتادا تحقیر فاکتی حقیقته‌ن وار. پاشینیانین خاریجی مطبوعات نماینده‌لرینه دئدیی سؤزلرده آشاغیلاییجی ایفاده‌لر وار».

قید ائدک کی، پاشینیان خاریجی مئدیا نماینده‌لرینه آذربایجانین «۲۰۱۶-جی ایل آپرل واروارلیغینی» خاطیرلاداراق، «کونفلیکت اونا گؤره باشلادی کی، قاراباغ خالقی بو جور واروارلیقدان قورونما ضرورتی حس ائتدی. بورادا اراضی اهمیت کسب ائتمیر» دئییب.

همچینین وورغولاییب کی، «بیزیم تهلوکسیزلییمیزه موداخیله ائد‌ن هر کس پشمان اولاجاق».

عمومیتله، نیکول پاشینیانین دیپلمات دئییل، دیلتانت سوییه‌سینده، کوتله‌یه حسابلانان و آذربایجانی قیجیقلاندیران آچیقلاما و حرکتلری ایلک گوندن اؤزونو گؤستریر. آنجاق «آذربایجان قورخاقدیر...» ایفاده‌سی اونا مخصوص دئییل.