آمریکانین ایسرایل سفیرلیینی قودسه کؤچورولمه‌سینه اعتراض اولاراق دونندن باشلایان و «میلیونلوق یوروش» آدلانان اعتراض آکسییالاریندا اؤلن و یارالانانلارین سایی آرتیر.

آخار. آذ خبر وئریر کی، قززا سرحدینده باش وئرن قارشیدورمالار نتیجه‌سینده ایسرایل عسگرلری طرفیندن اؤلدورولن فیلیسطینلیلرین سایی ۵۹-آ چاتیب. ۲۷۰۰-دن چوخ یارالینین اولدوغو بیلدیریلیر.

ایسرایل اوردوسو ۳ فلسطینلینین تیکانلی مفتیللره پارتلاییجی یئرلشدیررکن اؤلدورولدویونو بیلدیریب. اؤلدوروله‌نلرین اکثریتی سنایپرلر طرفیندن وورولوب.

اوردونون معلوماتینا گؤره، آکسییالارا قاتیلانلارین سایی ۴۰ میندن چوخ اولوب.

ایسرایلین ۲۰۱۴-جو ایلده قززایا قارشی آپاردیغی حربی عملیات زامانی هر ایکی آیاغینی ایتیرن ۲۹ یاشلی فادی ابو سالاح آدلی گنج ده ایسرایل اوردوسونون آچدیغی آتش نتیجه‌سینده هلاک اولوب.

فیلیسطین صحییه ناظرلیگی قززا یاخینلیغینداکی قارشی‌دورمادا ۸ آیلیق فیلیسطینلی کؤرپه‌نین ده اؤلدویونو بیلدیریب.

***

ایسرایل اوردوسونون آچدیغی آتش نتیجه‌سین‌ده اؤل‌نلرین سایی ۶۱ نفره چاتیب.

بو باره‌ده یئرلی تیبب خیدمتینین نماینده‌سی اشرف ال-کیدرا معلومات وئریب.