سعودییه عربیستانی، ایسرایل و آمریکا ایران‌داکی رژیم دییشیکلیینه گیزلی شکیلده دستک وئره بیلر.

آخار. آذ خبر وئریر کی، بونو «یئروسلیم پوست» قزئتینه موصاحیبه‌سینده ایسرایل خاریجی کشفیات ایداره‌سی اولان موساد-این کئچمیش رهبر شخصلریندن هایم تامر دئییب.

«بؤیوک پروبلم راکتلره صاحب اولان ایران دئییل. پروبلم خومینی ایدئیالارینا صادق اولان ایسلام اؤلکه‌سینین ایسرایلی یوخ ائتمه هدفی و کوتلوی قیرغین سلاحلارینا صاحب اولماسیدیر. بیز ایران نووه سیلاحلارییلا قارشی-قارشییا قالا بیلریک.

اگر بوتون طرفلر لازیملی ایستراتگییانین بیر حیصه‌سی اولاراق ایش بیرلیینه گئتسه‌لر، ایسرایل ایرانداکی رژیم دییشیکلیینی گیزلی شکیلده آسانلاشدیرا، الریاض بونو مالیه ده، آبش ایسه فرقلی جبهه‌لرده دستکله‌یه بیلر. ساواش باشلاسا، ایران بوتون راکتلرینی تلاویو و حیفایا آتاجاق. تهران حزب اللهین گونده‌لیک ۳۰۰-۴۰۰ راکت آتماسینا ایمکان یاراداجاق گوجه صاحبدیر. ایرانین ایسرایله قارشی چوخ چتین بیر جبهه یاراتما پوتنسیالی وار. اگر گئنیش میقیاس‌لی ساواش اولسا، بیز بوتون سلاحلاریمیزی سرعتلی شکیلده ایستیفاده ائده بیلمریک. ان اؤنملی اولان ایسرایلین ایرانین راکت هوجومونون هدفی اولاجاغی حالدا تل-اویوین هانسی بؤلگه‌لرینی هدف آلاجاغینی تهرانین آچیق شکیلده دئمه‌سیدیر»، – دئیه او بیلدیریب.