آمریکا-ایران موناسیبتلری سون درجه حساس بیر مرحله‌یه قدم قویماق‌دادیر.

بو سؤزلری آخار. آذ-ا آچیقلاماسین‌دا آنالیتیک ووقار زیفروغلو دئییب. او بیلدیریب کی، آوروپا بیرلیگی اؤلکه‌لرینین ایرانلا موناسیبتلرین‌ده نووه سازیشین‌دن چیخماما میلی داها دا آرتماقدادیر:

«بو دا آنلاشیلان مسئله‌دیر. چونکی غربی آوروپا ایرانا بؤیوک بیر بازار، اکونومیک یاتیریم بازاسی کیمی باخماق‌دادیر. علاوه اولاراق، بورادا گاز فاکتورو وار. آوروپا روسییادان جدی گاز آسیلیلیغیندادیر. اصلین‌ده ایران غربی آوروپا اوچون محض روسییایا آلترناتیو بیر قاپیدیر. بو معنادا آمریکا ایله غربی آوروپانین ایرانلا باغلی فیکیر آیریلیقلارینین اورتایا چیخماسینین بیر نمره‌لی سببی ده محض بو اقتصادی دیویدنتلردن آسیلی اولان نوانسلاردیر».

آنالیتیک قید ائدیب کی، آمریکا نووه سازیشینی بیرطرفلی لغو ائتمکله ایشینی بیتمیش حساب ائتمه‌یه‌جک:

«حاضردا آمریکا ایرانا موناسیبتده بیر نئچه ایستیقامتده آکتیولیک گؤسترمه‌یه باشلاییب. آرتیق بیز بونون باشلادیغینین شاهیدی اولوروق. نووه راضیلاشماسین‌دان چیخماقلا ایلک نؤوبه‌ده آمریکا اقتصادی امبارقولارینی آکتیو ائدیب و موختلیف سانکسییالار ایشه دوشوب. گله‌جکده ماکسیموم درجه‌ده آمریکا یاخین شرق‌ده‌کی موتتفیق اؤلکه‌لره ده تأثیر ائتمکله، ایرانین اقتصادی نقطه-نظردن ایزولیاسییاسینا چالیشاجاق. دیگر طرفدن، آمریکا سیاسی باخیمدان ایرانی تجرید ائتمک نیتینده‌دیر. بو دا قارشی‌داکی گونلرده موختلیف دیپلماتیک، سیاسی اعتراضلار، تضییقلرله اؤزونو گؤستره‌جک. آمریکا عینی زاماندا یاخین شرقده ایرانین اساس نفوذ نقطه‌لرینه ضربه‌لر ائندیره‌جک کی، آرتیق ایسرایل واسطه‌سی ایله بونو ائتمکده‌دیر».

آنالیتیک وورغولاییب کی، آمریکا ایرانین نفوذ دایره‌سی آلتیندا اولان منطقه‌لره و ایرانین تأثیری آلتیندا اولان حربی بیرلشمه‌لره ضربه‌لرین ائندیریلمه‌سینه و اونلارا قارشی عملیاتلارین آپاریلماسینا آرتیق باشلاییب:

«سون گونلرده ایستر سورییادا، ایستر لیوان‌دا، ایسترسه ده عراق‌دا بیز بونون شاهیدی اولوروق. مومکوندور کی، یمنده ده عربلردن ایستیفاده اولونماقلا معین آکتیولیک یاشان‌سین. چونکی ایرانا قارشی سعودییه عربیستانی-بیرلشمیش عرب امیرلیکلری اتفاقی وار. آمریکا بو اتفاقی ماکسیموم درجه‌ده دستکلییر. آمریکا ایرانین داخیلینده ده معین پروسئسلرین باشلانیلماسی اوچون حرکته کئچیب. بونون اوچون آمریکا خوزیستان ویلایتینده، اهواز شهرینده و عربلرین چوخ یاشادیغی دیگر بؤلگه‌لرده موختلیف اتنوسلارلا باش وئرن قارشیدورمالاردان ایستیفاده ائده بیلر. بو اتنیک، سوسیال و مزهبسل فاکتوردان قیدالانان موختلیف قارشی‌دورمالارین باشلانماسینا آمریکا ماکسیموم درجه‌ده دستک وئره‌جک. بیر سؤزله، یاخین زامانلاردا ایرانا قارشی حمله‌لرین سایی آرتاجاق».