ارمنیستانین ایلک میللی آویاشیرکتینی قورماق واختی چاتیب.

آخار. آذ خبر وئریر کی، بونو «1in.am» سایتینا آچیقلاماسیندا ارمنیستانین مولکی آویاسییا باش ایداره‌سینین کئچمیش رهبری شاقئن پتروسیان دئییب.

«بو ایللر عرضینده آویاسییا ساحه‌سینده ساده‌جه سویغونچولوق حؤکم سوروب. هر شئی محو ائدیلیب. بوتون ارمنی آویاشیرکتلری یوخ ائدیلیب. ایندی بیزه داها بؤیوک مبلغ – ۵۰ میلیون دوللار لازیم‌دیر کی، طییاره‌لر الده ائدیب، اینفراستروکتورو صیفیردان قوراق. روسییا شیرکتلرینین بازاردا مونوپولییایا صاحب اولمالاری، یاناجاغین قیمتی، خیدمت ساحه‌سینده‌کی مونوپولییا لغو ائدیلمه‌لی‌دیر. یئنی شیرکتلرین رقابت شرایطینده چالیشماسی چوخ چتین اولاجاق. ارمنی آویاسییاسینی روبرت کؤچریان محو ائتدی، سئرژ سرکیسیان ایسه بو پروسئسی داوام ائتدیردی» – دئیه او بیلدیریب.

قئید ائدک کی، ارمنیستانین مولکی آویاسییاسی روسییانین نظارتینده‌دیر. اؤلکه‌نین اؤزونه عایید هئچ بیر آویاشیرکتی یوخدور. اؤلکه‌ده‌کی آویاشیرکتلرین هامیسی بانکروت اولوب. ارمنی آویاشیرکتلرین ایجرا ائتمه‌لی اولدوقلاری بوتون فعالیت ساحه‌لری روسییا شیرکتلرینه وئریلیب.