گورجوستانین روسییا ایله آبخازییا و جنوبی اوستییادان تیجارت دهلیزلرینه کئچیده راضیلیق وئرمه‌یه حاضیرلاشماسی آذربایجانین ماراقلارینا ضیددیر.

بو سؤزلری آخار. آذ-آ گورجوستانین روسییا ایله آبخازییا و جنوبی اوستییادان کئچه‌جک تیجارت دهلیزلرینی آچماغا حاضیرلاشماسی ایله باغلی دانیشان پولیتولوق ائلخان شاهینوغلو دئییب.

«گورجوستان موستقیل دؤولتدیر و بو، تیفلیسین داخیلی ایشیدیر. آنجاق ارمنیستانلا دهلیزین آچیلماسی آذربایجانین ماراقلارینا خیدمت ائتمیر. اونا گؤره ده باکی دیپلماتیک کاناللار واسطه‌سیله گورجوستانا مئساژ یوللایا بیلر کی، ارمنیستانلا دهلیزین آچیلماسی آذربایجانین علیهینه‌دیر و گورجوستان-آذربایجان امکداشلیغیندا معین قدر سواللار یارادا بیلر»، - سیاسی شرحچی بیلدیریب.

پولیتولوقون سؤزلرینه گؤره، سؤزوگئدن دهلیزین آچیلماسی ارمنیستان اقتصادیاتینی جانلاندیرمایاجاق:

«اونسوز دا بو دمیر یولوندان اؤنجه آچیق اولان بیر نقلیات دهلیزی وار کی، روسییادان بؤیوک یوکلو ماشینلار قارا یوللا ارمنیستانا و عکس ایستیقامتده ایشلییر. آنجاق بو دهلیزین وارلیغی دا ارمنیستان اقتصادیاتینی جانلاندیرمیر. او اوزده‌ن سؤزوگئدن راضیلاشما ارمنیستانین بلوکادادان چیخماسینا سبب اولمایاجاق».

قید ائدک کی، گورجوستان روسییا ایله آبخازییا و جنوبی اوستییادان کئچه‌جک تیجارت دهلیزلرینین آچیلماسی ایله باغلی پروسئس باشلاتماغا حاضیرلاشیر.