آلمانییا ایران مسئله‌سین‌ده تسلیم اولمور.

آخار. آذ خبر وئریر کی، بونو «گازئتا. رو»یا آچیقلاماسیندا آوروپا اینستیتوتونون آلمان تدقیقاتلار مرکزینین رهبری ولادیسلاو بئلوو دئییب.

«آمریکا دیپلوماتیک دیلله دانیشمیر، برلینین ایران مسئله‌سین‌ده مؤوقعیی دییشمزدیر. آلمانییا خاریجی ایشلر ناظیرلیینین رهبرینین گؤزلنیلمه‌دن آمریکایا سفری ده محض واشینگتنون ایرانا قارشی سسلندیردیی ۱۲ شرطله باغلی‌دیر. برلین آکتیو شکیلده ایران اقتصادیاتینین مودرنلشدیریلمه‌سینده ایشتیراک ائد‌ن آلمان شیرکتلرینین ماراقلارینی قوروماغا چالیشیر. اگر بو راضیلاشما محو اولماسا و آمریکاسیز بئله اؤزونو قورویوب ساخلایا بیلسه، آلمانلار بوندان یالنیز اوداجاقلار. آلمان شیرکتلرینین ایرانداکی یاتیریملاری ۷-۱۰ میلیارد دوللاردیر. برلین گؤزل آنلاییر کی، آمریکا بو گون آلمان شیرکتلرینه هانسیسا گذشت ائتمک نیتینده دئییل. اونا گؤره کی، ترامپ تاجیردیر. او، گذشته یالنیز آلمانییا گذشته گئدجیی حالدا راضیلاشاجاق. یعنی ترامپ برلیندن هئچ نه آلمادان تسلیم اولمایاجاق»، – دئیه او بیلدیریب.

قید ائدک کی، آمریکانین ایرانا قارشی ۱۲ شرطینی اعلان ائتمه‌سیندن درحال سونرا آلمانییا خاریجی ایشلر ناظری هایکو مااس واشینگتنا گئدجیینی دئییب. مااس آمریکانین مؤوقعیی ایله راضیلاشمادیغینی و بونون بوتون آوروپانین ماراقلارینا ضد اولدوغونو آچیقلاییب.