۲۰۰۲-جی ایلده‌ن ایندییه قدر گورجوستان اهالی‌سینین سایی ۷۰۰ مین نفر آزالاراق، ۳،۷ میلیون نفره دوشوب.

آخار. آذ خبر وئریر کی، بو باره‌ده معلوماتی گورجوستان مطبوعاتی ایستاتیستیکا خیدمتینین معلوماتلارینا اساساً یاییب. مطبوعات حاضردا اؤلکه‌ده ایفلاس حدینه چاتمیش شخصلرین سایینین عمومی اهالینین ۶،۳%-نی تشکیل ائتدیینی بیلدیریب.

یئنی اقتصادیات مکتبی تشکیلاتینین رهبری پااتا ششلیدزه گورجوستان‌دا اهالینین آزالماسینا اساس سببین میقراسییا اولدوغونو دئییب:

«اینسانلار اؤلکه خاریجینه سوسیال شرایطلرینی یاخشیلاش‌دیرماق اوچون گئدیرلر. بو او دئمک دئییل کی، اونلار خاریجده اینتنسیو شکیلده چالیشیرلار. اساس اودور کی، اورادا یوکسک کیفیتلی سوسیال مدافعه وار. اؤلکه‌نی ترک ائد‌ن شخصلر گورجوستان‌دا اوزونموددتلی پرسپکتیو گؤرمورلر».