«نیو یورک تایمز» قزئتی ۷ فئورال‌دا دئیر الزور شهرینده آمریکا و روسییانین «واقنئر» اؤزل حربی شیرکتینین موزدلولاری آراسیندا باش وئرن دؤیوشون دتاللاری حاقیندا معلومات یاییب.

آخار. آذ خبر وئریر کی، قزئت کورد حربی بیرلشمه‌لرینه قارشی هوجومون آخشام یئرلی واختلا ۲۲:۳۰-دا باشلادیغینی بیلدیریب:

«هوجوم تانکلار، آرتیلرییا و میناآتانلارین واسطه‌سیله گئرچکلشدیریلیب. دؤرد ساعتلیق قارشی‌دورما نتیجه‌سینده ۳۰۰-ا یاخین عسگر آمریکا خصوصی تعینات‌لیلارینین مدافعه ائتدیی کونوکو نفت آییرما زاوودونون یاخینلیغیندا محو ائدیلیب. هوجوم زامانی آمریکا خصوصی تعینات‌لیلارینین سایی ۴۰ نفر اولوب و اونلار آراسیندا هئچ بیر ایتکی قیده آلینماییب».

ماراقلی مقام اودور کی، هوجومدان اؤنجه آمریکا حربچیلری هوجوما کئچن قروپلاشمانین روسلار اولدوغوندان شوبهه لنیب، اما روسییا حربی رهبرلیگی بو قروپلاشمانین اونلار طرفیندن ایداره ائدیلمدیینی بیلدیریب:

«۱۵ دقیقه عرضین‌ده آمئریکالیلار روسییا طرفی ایله علاقه قورماغا چالیشیبلار کی، هوجوم دایاندیریلسین. اونلارین بو ایستیی باش توتمادیقدان سونرا آمریکالیلار بیر نئچه خبردارلیق آتشی ایله هوجومو دایاندیرماق ایسته‌ییبلر. بو آلینمادیقدا هاوادان دستک ایستنیلیب و نتیجه‌ده طیاره‌لر هوجوم ائد‌ن قوه‌یه آغیر ضربه ائندیریبلر».

قید ائدک کی، دئیر الزور یاخینلیغیندا «واقنر» موزدلولارینین محوی خبری بوندان اؤنجه روسییادا گئنیش عکس-صدا دوغورموشدو. موسکوا بو فاکتی قیسما تصدیقله‌یرک، بو قوه‌لرین اونون تابعلیین‌ده اولمادیغینی بیان ائتمیشدی.