ارمنیستانین باش ناظری نیکول پاشینیانین اوغلو آشوت پاشینیان حربی خیدمتینی قاراباغ اراضی‌سینده کئچمه‌یه قرار وئریب.

آخار .آذ خبر وئریر کی، بو باره‌ده آشوت پاشینیان آتاسینین فیسبوک حسابیندا جانلی یاییم زامانی دئییب.

«من اؤزوم عریضه یازماق و قاراباغدا حربی خیدمت کئچمک قرارینا گلدیم. همیشه اوردونون گوجله‌نمه‌سینی صولح اوچون یگانه واسطه حساب ائتمیشم»، - آشوت پاشینیان بیلدیریب.

«۱۸-۲۷ یاش آراسی خاریجده اولان بوتون هموطنلریمی ارمنیستانا قاییتماغا و وطن قارشیسیندا بورجونو اؤد‌مه‌یه چاغیریرام. من بونو هم وطنداش، هم ده مومکون محاربه زامانی عالی باش کوماندان صلاحیتلرینی ایجرا ائد‌جک باش ناظر کیمی دئییرم»، - نیکول پاشینیان علاوه ائدیب.

پاشینیان مارت آیین‌دا ۱۸ یاشی تمام اولان اوغلونون ان یاخین چاغیریش مدتینده حربی خیدمته یوللاناجاغینی بیلدیریب.