ایسرایل ایله روسییا سورییانین جنوب سرحدینه رژیم قوه‌لرینین نظارت ائتمه‌سی حاقدا راضیلیغا گلیبلر.

آخار. آذ خبر وئریر کی، بو باره‌ده ایسرایلین «کانال ۱۰» تلویزییاسی معلومات یاییب. راضیلاشمایا گؤره، ایران، حزب الله و یا هر هانسی باشقا بیرلیک بوندان سونرا سورییا سرحدینده مؤقع توتا بیلمه‌یه‌جک.

سورییا رژیمینین راضیلاشمانی تصدیق ائتدیی دئییلسه ده، هله کی، مسئله ایله باغلی رسمی آچیقلاما یاییلماییب.

ایسرایل مدافعه ناظری لیبرمانین روس همکاری سرگئی شویگو ایله ایرانین سورییاداکی وارلیغینی موذاکیره اوچون موسکوایا گئتمه‌سی گؤزلنیلیر.

قید ائدک کی، روسییا خاریجی ایشلر ناظیری سرگئی لاوروو بیر قدر اول وئردیی آچیقلامادا سورییانین جنوب سرحدینه یالنیز بو اؤلکه‌نین اوردوسونون نظارت ائتمه‌لی اولدوغونو دئمیشدی.