رسمی تل-اویو تورکییه‌یه ف-۳۵ قیریجیلارینین ساتیلماسی مسئله‌سینه گؤره بؤیوک ناراحاتلیق کئچیریر.

آخار. آذ خبر وئریر کی، بو باره‌ده ایسرایلین «هاارئتز» نشری یازیب.

معلوماتا گؤره، ایسرایل تورکییه‌یه ف-۳۵-لرین ایمکانلارینی آرتیران تئخنولوگییانین وئریلمه‌سینین قارشیسینی آلماق اوچون آمئریکا رسمیلری ایله دانیشیقلار آپاریر. ایسرایل آمئریکادان تورکییه‌یه ان آزیندان سؤزوگئدن تئخنولوگییا یازیلمامیش ف-۳۵-لرین وئریلمه‌سینی طلب ائدیر. بونونلا ایسرایل یاخین شرقده‌کی حربی اوستونلویونو قوروماغا چالیشیر.

نشره معلومات وئره‌ن ایسرایلین یوکسک وظیفه‌لی مأمورونون سؤزلرینه گؤره، ایسرایل ف-۳۵-لره صاحب اولان یگانه بؤلگه اؤلکه‌سی اولماغی پلانلاشدیریر و بونا گؤره ده تورکییه‌یه وئریلمه‌سی نظرده توتولان طییاره‌لر باره‌ده واشینگتونلا یاخیندان تماس قورور.

خاطیرلاداق کی، آمئریکا نماینده‌لر پالاتاسیندا ف-۳۵ طیاره‌لرینین تورکییه‌یه ساتیشینین تاخیره سالینماسینی نظرده توتان قطعنامه لاییحه‌سی قبول ائدیلیب.