ارمنیستانین باش ناظری نیکول پاشینیانین گورجستان سفری ایله باغلی ماراقلی دتاللار اوزه چیخیب.

آخار. آذ خبر وئریر کی، سفردن اؤنجه آچیقلاما وئرن گورجوستان خاریجی ایشلر ناظری میخایل جانلیدزه پاشینیانین تیفلیس‌ده داها چوخ تیجارت و مدنی علاقه‌لری موذاکیره ائدجیینی بیلدیریب. لاکین جانلیدزنین بو سؤزلری پاشینیانین تیفلیسه گتیردیی نماینده هئیتی ایله اویغون گلمه‌ییب. بئله کی، پاشینیانین نماینده هئیتینده باش ناظر معاوینی تیگران آوینیان، مدافعه ناظری داوید تونویان، خاریجی ایشلر ناظری زوقراب مناتساکانیان، علم-تحصیل ناظری آرایک آروتیونیان، مدنیت ناظری لیلیت ماکونتس، دیاسپور ناظری مخیتار آیراپتیان، نقلیات ناظری آشوت آکوپیان یئر آلیب. سیاهی‌دا یئر آلان آوینیان بئله جانلیدزنین دئدیی کیمی تیجارت ساحه‌سین‌ده دانیشیقلارین آپاریلماسی اوچون گرکلی شخص دئییل. بئله کی، آوینیان باش ناظرین آدمینیستراسییاسیندا سوسیال و هومانیتار سفئرانین کوراسییاسی ایله مشغول اولور.

ان ماراقلی مقام ایسه سیاهیدا مدافعه ناظرینه یئر وئریلمه‌سی اولوب. ارمنیستانلا گورجوستان آراسیندا حربی علاقه‌لرین حددن آرتیق ضعیف اولماسینی و حربی-تکنیکی امکداشلیغین ایسه صیفیردان یوخاری قالخماماسینی نظره آلساق، او زامان تونویانین تیفلیسه آپاریلماسی ایله باغلی معین سواللار یارانیر.

تیفلی‌سین بیان ائتدیی تیجارت علاقه‌لری آنلاییشینا یئگانه اویغون شخص آشوت آکوپیاندیر. گؤرونن اودور کی، تیجارت علاقه‌لری دئدیکده تیفلیس داها چوخ روسییا ایله آچیلاجاق تیجارت دهلیزینی نظرده توتور.

پاشینیانین سفری زامانی حیاتا کئچیرجیی ان موهوم مسئله‌لردن بیری ایسه اونون سامسخئ جاواختییا بؤلگه‌سینه سفری اولاجاق. پاشینیان بورادا ارمنی دیاسپورونون نماینده‌لری ایله گؤروشه‌جک. محض بو عامل نیه دیاسپور ناظرینین گورجوستانا آپاریلماسی سوالینا آیدینلیق گتیریر.

تیفلیس اوچون کیفایت قدر آغریلی اولان بو اراضی‌ده ارمنیلرین اوزون ایللردیر آکتیو اولدوغو هر کسه بللیدیر. اوسته‌لیک، گورجوستانین روسییانین تأثیرینین هله ده بؤیوک اولدوغو بؤلگه‌یه اونون هاواداری اولان ارمنیستان رهبرینی بوراخماسی و حتی اونا گنیش گؤروشلر کئچیرمک ایمکانی یاراتماسی ماراق یارادیر. روسییا ایله تیجارت دهلیزلرینی آچماغا شرایط یاراداراق ارمنیلری بلوکادادان چیخارماغا چالیشان تیفلیسین نیه پاشینیانا سئوه‌رک قوللارینی آچماسی هله ده شوبهه‌لی قالیر. ان آزیندان بو دهلیزلری آچماغین قارشیلیغینی روسییا هله‌لیک تیف‌لی‌سه آبخازییا و جنوبی اوستییانین مستقیللیینی سورییایا تانیتماقلا اؤد‌دیر.