آمریکانین ایران میللتینه قارشی غیری قانونی و بیرطرف‌لی هوجوم اوخونون اؤنون‌ده نفت صنایع‌سینه تطبیق ائدیله‌ن سانکسییالار دورور. ایرانین بو سانکسییالارین قارشی‌سینی آلماق اوچون یوللاری وار. لاکین اونو آچیقلامیریق.

Axar.az-این معلوماتینا گؤره بونو ایرانین نفت ناظری بیژن زنگنه بو گون ژورنالیستلرله بیرگه کئچیریله‌ن مطبوعات کنفرانسین‌دا دئییب.

ایران‌لی ناظر آمریکانین اساس هوجوم هدفینین اؤلکه‌نین نفت صنایع‌سی اولدوغونو بیلدیرره‌رک، اؤلکه‌سینین بو زمین‌ده قاباقلاییجی تدبیرلر گؤرجیینی بیلدیریب و علاوه ائدیب کی، بو تدبیرلر آچیقلانمامالیدیر.

«ایرانین اساس ایخراجی نفت، نفت محصوللاری و نفت-کیمیا محصوللاری‌دیر. آمریکا بونلارین ایخراجینین قارشی‌سینی آلماغا و یا ایخراج ائدیله‌نلرین پولونون اؤلکه‌یه گلمه‌سینه ایمکان وئرمه‌مه‌یه چالیشیر. بونو ائدیر کی، قیتلیق و باهالیق یاران‌سین خه خالق اوچون ناراحاتلیق و نیگاران ائدیجی وضعیت باش قالدیرسین. بیز بوتون سعیلریمیزی سفربر ائدریک کی، اونلار موفق اولماسینلار. قاباقلاییجی تدبیرلریمیز و ایشلریمیزله باغلی صحبت ائده بیلمریک. چونکی بو سون‌دا خالقین ضررینه تامام‌لاناجاق. بیر عملیات کوماندیری اؤز عملیاتینین پلانینی اؤنجه‌دن آچیقلاماز. عکس تقدیرده عملیات ایفشا اولار و عسگرلر اؤلر. نفت ساحه‌سین‌ده ده منیم وئرجییم هر بیر معلومات‌دان دوشمن ایستیفاده ائده بیلر.»