ایندی ایران حربی احتیاجلارینین ۸۰ فایزینی اؤزو تعمین ائدیر. ایران ایسلام رسپوبلیکاسی دونیانین اکثر اؤلکه‌لری ایله دوستلوق موناسیبتلرینه مالیک‌دیر. بیزیم سلاح‌لی قوه‌لریمیز حاضیردی کی همرای‌لیک چرچیوه‌سینده دوست و موسلمان اؤلکه‌لرله ایستراتژی و تاکتیکی موستویلرده حربی تعلیم، علمی، حربی تجروبه‌لرین مبایله‌سی و سایر زمینلرده امکداشلیق آپارسین.

Axar.az-این معلوماتینا گؤره بونو ایرانین سلاح‌لی قوه‌لری باش قرارگاهینین رئیسی محمد-حسین باقیری دئییب.

تهران‌دا موختلیف اؤلکه سفیرلری و نماینده‌لری قارشی‌سین‌دا چیخیشی زامانی ایرانین سون ۴۰ ایلده حربی و سیاسی باخیم‌دان موستقیل‌لیک الده ائتدیینی دئیه‌ن باش قرارگاه رئیسی دوست و موسلمان اؤلکه‌لری ایله حربی امکداشلیق ائتمه‌یه حاضر اولدوغونو بیلدیریب.

ایران سلاح‌لی قوه‌لرینین باش قراراگاه رئیسی ایسلام اینقیلابین‌دان سونرا اؤلکه‌سین‌ده‌کی دییشیکلیکلری بئله آچیقلاییب:

«ایران ایسلام اینقیلابینین یولونو داوام ائتدیره‌رک، عالی لیدرین داهییانه رهبرلیگی و ایستیقامتله‌ندیرمه‌سی ایله تام ایستیقلالیته چاتیب و اؤلکه‌نی سیاسی، مدنی، اقتصادی، خصوصیله ده حربی باخیمدان اولان اؤنجکی باغلیلیق و آسیلیلقدان قورتاریب. بو، دونیادا گوجلرین سابیق قورولوشونو پوزدو و بؤلگه‌نین و حتی دونیانین تاریخی یولونو عدالت و آزادلیق ایستیقامت‌ده ایستیقامتلندیردی.»