آمریکا دؤولت کاتیبی مایک پومپئو آمریکانین ایران‌دا ویرتوال سفیرلیینین سوسیال شبکه‌لرده‌کی حسابین‌دا ایران ایسلام رسپوبلیکاسی رسمیلرینین بیرلشمیش ایشتاتلاردا یاشایان عائله‌لری ایله باغلی سواللاری جوابلاندیریب.

Axar.az خبر وئریر کی،آمریکا دؤولت دپارتامنتینین «Twitter» صحیفه‌سینده و «یووتوب»دا یایدیغی ویدئودا اینترنت ایستیفاده‌چیلرینین سواللارینی جوابلان‌دیران پومپئو، ایران رسمیلرینین عائله عضولرینین آمریکایا کؤچوب بو اؤلکه‌ده یاشاماسینا مناسیبت بیلدیریب.

ایران رسمیلری سیزین پولونوزلا اؤز اوشاقلارینی تحصیل آلماق، بازارلیق ائتمک و آمریکاداکی آزادلیقلاردان بهره‌له‌نمک اوچون خاریجه گؤندریرلر. اونلار یاخشی بیلیرلر کی، حاکم اولدوقلاری اؤلکه اؤز اوشاقلاری اوچون کیفایت قدر یاخشی یئر دئییل. بیر سؤزله، ایران رسمیلری دئییرلر کی، ایران ایسلام رسپوبلیکاسی اؤلکه‌ده یاشایان اهالی اوچون یاخشی‌دیر، لاکین اؤز عائله و اؤولادلاری اوچون یاخشی یئر دئییل. اونلار محض بونا گؤره ده، اؤز اوشاقلارینی خاریجه، خصوصاً ده آمریکایا گؤندریرلر. حاضردا بیز بو مسئله سی آراشدیریریق. ایرانین دؤولت آداملارینین اؤز عائله‌لرینی خاریجه گؤندرمه‌سی بیزی ده دوشوندورور، نیگاران ائدیر».