آمریکا حاکمیتی مونیکا اویتت آدلی حربی هاوا قوه‌لرینین کئچمیش ظابطینه قارشی ایران لئهینه جاسوسلوق ائتمکله باغلی اتهام ایر‌لی سوروب.

رسمی واشینگتن اویتتین فعالیتینی آمریکا کشفیاتینین ظابطلرینه قارشی یؤنلمیش کیبئرجاسوسلوق عملیاتی آدلاندیریب.

Axar.az خبر وئریر کی، مونیکا اویتت ۲۰۱۲-جی غیب اولدوقدان بو یانا فدرال تهلوکسیزلیک مرکزی طرفین‌دن آختاریش اعلان ائدیلیب. اونون گویا اینگیلیس دیلینی تدریس ائتمک اوچون گئتدیی افغانیستان‌دا و یا تاجیکیستان‌دا ایتدیی سؤیلنیلیر.
اصلین‌ده ایسه مونیکا اویتتین حربی هاوا قوه‌لرینین کشفیات خیدمتین‌ده قوللوق ائتدیی معلوم اولوب.

آمریکا عدلیه ناظرلیگی کشفیاتچی قادینین ایدئولوژی سببلردن دولایی ایرانا کئچدیینی و همین اؤلکه‌نین خصوصی خیدمت اورقانلارینا بیر سیرا مخفی معلوماتلاری، او جمله‌دن آگنتلرین آدلارینی اؤتوردویونو گومان ائدیر. بونون سایه‌سین‌ده اونلار ایران هاکرلرینین هدفینه چئوریلیبلر.

اتهام ماتریاللارین‌دان آیدین اولور کی، مونیکا اویتت حتی ایران‌دان روسییایا کؤچه‌رک، اورادا بیر سیرا اینفورماسییالاری «Wikileaks» سایتینا وئرمک ایستییرمیش. لاکین بو، اونا مویسر اولماییب.

آمریکا عدلیه ناظرینین معاوینی جون دئمئر اویتتین اؤز حرکتلری ایله اؤلکه‌نی مدافعه ائدجیی باره‌ده حربی آندینی پوزدوغونو بیان ائدیب.