نسیمینین مزاری سوریادا، چوخ دهشت‌لی محاربه‌لرین آپاریلدیغی حلب شهرین‌ده یئرلشیر. او یئر تک بیز طرف‌دن دئییل، یئرلی ساکینلر طرفین‌دن ده بیر مقدس یئر کیمی قبول اولونور.

Axar.az خبر وئریر کی، بونو مدنیت ناظری ابولفضل قارایئو آخوندزاده آدینا میللی کیتابخانادا دؤولت باشچیسی ایله گؤروشده موذاکیره اولونان مسئله‌لره حصر ائدیلمیش مطبوعات کنفرانسین‌دا آذربایجان شاعری عماد الدین نسیمینین سوریانین حلب شهرین‌ده‌کی مزارینین آذربایجانا گتیریلمه‌سی تکلیفینه جوابین‌دا دئییب:

"او مزارا متمادی اولاراق زیارتچیلر، خصوصیله صوفی طریقتینین تانینمیش نماینده‌لری باش چکیر. بیز حتی او مزارین یئنی‌دن قورولماسی، اورادا آذربایجانلا باغلی مدنیت مرکزینین یارادیلماسی حاقین‌دا فیکیر موبادیله‌سی آپارمیشدیق. بو ایستیقامت‌ده راضی‌لیق و ایرلیلییش الده ائتمیشدیک. افسوسلار اولسون کی، سونراکی سیاسی توققوشمالار و محاربه اونون رئاللاشماسینا ایمکان وئرمه‌دی. حساب ائدیره‌م کی، واخت گله‌جک و بیز بونونلا باغلی هدفلریمیزی گئرچکلشدیره بیلجییک".

ناظر بیلدیریب کی، نسیمینین واریثلری ایله دایمی اونسیتددیرلر و اونلار لئیلا علیئوانین تشببوسو ایله حیاتا کئچیریله‌ن فستیواللاردا ایشتیراک ائدیرلر: "حساب ائدیره‌م کی، نسیمینین مزارینین آذربایجانا گتیریلمه‌سی مسئله‌سی گئج-تئز گونده‌لیک‌ده اولاجاق".