امارات و سعودییه عربیستانی پ.کا.کا ترور قروپلاشماسینا ۱ میلیارد دلارلیق یاردیم ائدیب.

Axar.az خبر وئریر کی، بو سؤزلری ریاضدا کئچیریله‌ن گؤروشلرده سورییالی موخالیفلری تمثیل ائد‌ن مصطفی سجری دئییب.

«امارات و سعودییه عربیستانی عین العرب ساواشینین ایلک گونلریندن اعتباراً پ.کا.ک ایله یاخین موناسیبتلر قورماغا باشلادی. او دؤورده ائدیلن گیزلی یاردیملار ۲۰۱۶-جی ایلده‌ن سونرا آچیق شکیل‌ده ائدیلیر. تحصیل، صحییه و قیدا یاردیمی آدی آلتیندا پ کا.کا دستکلندی. سورییانین شیمال و شرقینده‌کی ترور قروپلاشماسینا وئریلن حربی، مادی دستک بیر مدت سونرا سیاسی موستوییه کئچدی»، - سجری بیلدیریب.

سجرینین سؤزلرینه گؤره، پ کا.کا-نی دستکله‌مکله امارات و سعودییه عربیستانی تورکییه‌نین بؤلگه‌ده‌کی نفوذ دایره‌لرینی محو ائتمک نیتینده‌دیر:

«تورک تانکلارینی تورپاقلاریمیزدا بیز ایستدیک. ایران، روسییا، آمریکا، اینگیلتره، هللاندییا و داها بیر چوخ اؤلکه‌نین سورییادا قوه‌لری مؤوجوددور. آنجاق بیر چوخ اؤلکه‌لر و بشار اسد خصوصاً تورک قوه‌لریندن ناراحاتلیق کئچیریر. تورک تانکلاری بیزیم مئییتیمیزین اوستون‌دن سورییادان چیخا بیلمز. بو قدر قرارلیییق. چونکی تورکییه چیخسا، روس راکتلری و ایرانین دستکلدیی دؤیوشچولرین قورخونج قتلعام و تالانی ایله یئنیدن اوزلشجییک».