اردوغان‌سیز حکومت قورماغا چالیشسانیز، او حکومت فئتؤ، پ کاکا، ج.ح.پ، ایگی پارتییا حکومتی اولار. اونلار دا تورکییه‌نی یانغین یئرینه دؤندرر، ۳ آی بئله ایداره ائده بیلمز.

Axar.az خبر وئریر کی، بو سؤزلری تورکییه‌نین وطن پارتییاسینین لیدری دوغو پئرینچک دئییب. او، فئتؤ، ح.د.پ و پ.کا.کا خاریجین‌ده‌کی قوه‌لرین بیر حکومت‌ده بیرلشدیریلمه‌سینین گرکدیینی بیلدیریب:

«ح.د.پ، پ.کا.کا، فئتؤ خایندیر، دوشمن‌دیر، آمریکانین قوه‌لری‌دیر. اونلارا اقتدار فورصتلری یاراتماغی بیر کنارا قالسین، اونلارا حبسخانادان باشقا هئچ بیر ایمکان و یئر وئره بیلمریک. بونا گؤره ده فئتؤ، پ.کا.کا، ح.د.پ-دن باشقا قوه‌لری بیر حکومت‌ده بیرلشدیرمک سیاسی حل باخیم‌دان چوخ واجیبدیر. آ.کا.پ و رجب طایییب اردوغانی کناردا قویاراق تورکییه بو چتین‌لیکدن چیخا بیلمز. وطن پارتییاسینین طرفدارلاری دا بونو دئیه‌ن کیمی تورکییه‌نی اردوغانلا بیرگه ایداره ائدیب-ائتمیجیی‌می سوروشور. بلی، اردوغانلا برابر تورکییه‌نی ایداره ائتمه‌یه مجبوروق. تورکییه اردوغانین لیدرلیین‌ده تکباشینا بورادان چیخا بیلمز. چونکی هله ده آرخاسین‌دا تورکییه‌نین یاریسی وار. دؤولت باخچالی دا اونونلا بیرلیکده‌دیر. ایکی‌سی تورکییه‌نین یاریسی دئمکدیر».