تهران تورکییه‌دن ایرانا چکیله‌ن دمیر یولو خطینین پاکیستان اراضی‌سینه اوزادیلماسینی تکلیف ائدیب.

Axar.az خبر وئریر کی، بو تکلیف ایران پرزیدنتی حسن روحانینین پاکیستانا سفری زامانی ایر‌لی سورولوب.

قید اولونوب کی، نؤوبتی کمونیکاسییا لاییحه‌سینین حیاتا کئچیریلمه‌سی آوروپانی آسییا و چینله بیرلشدیره‌ن داها بیر حالقا اولاجاق.

ایران پرزیدنتینین پاکیستانین باش ناظری عمران خانلا آپاردیغی دانیشیقلاردا ایکی اؤلکه‌نین سرحدین‌ده ترورچو قروپلاشمالارا قارشی موباریزه آپارماق مقصدیله بیرگه قوشون حیصه‌سی یاراتماق باره‌ده راضی‌لیق الده اولونوب. بودان باشقا، طرفلر اقتصادی ساحه‌ده علاقه‌لرین اینکیشافی مسئله‌لرینی ده موذاکیره ائدیبلر. بو مقصدله بیرگه ایشچی قروپونون یارادیلماسی قرارا آلینیب. ایرانین دؤولت باش‌چی‌سی بیلدیریب کی، تهران پاکیستانین نفت احتیاجلارینی تعمین ائد‌جک یئنی بورو کمری تیکمه‌یه حاضردیر. عینی زامان‌دا، ایران‌دان قونشو اؤلکه‌یه نقل اولونان الکتریک انرژی‌سینین حجمی اون دفعه آرتیریلا بیلر. اقتصادی امکداشلیغین داها بیر ایستیقامتی پاکیستانین قوادار و ایرانین چابهار لیمانلاری آراسین‌دا امکداشلیغین گوجلندیریلمه‌سیدیر.

ایکی اؤلکه‌نین لیدرلری کئچیردیکلری مطبوعات کونفرانسین‌دا بیلدیریبلر کی، اونلارین گؤروشونده بین الخالق و رگیونال مسئله‌لر اطرافین‌دا دا فیکیر مبادیله‌سی آپاریلیب.