آمریکا ائله بیر مؤقعیه مالیک دئییل کی، کیمیسه ترورچو تشکیلات آدلاندیرسین. آمریکانین بو ایستیقامتده هر هانسی بیر آددیم آتماسینی رد ائدیریک.

Axar.az خبر وئریر کی، بونو ایرانین خاریجی ایشلر ناظری محمد جواد ظریف دئییب.

قطر پایتاختی دوحادا کئچیریلن "آسییا امکداشلیق فورومو" چرچیوه‌سینده ژورنالیستلرین سواللارینی جوابلاندیران م.ج.ظریف آمریکانین اخوان المسلیمین حرکاتینا قارشی آتماق ایستدیی آددیملا باغلی فیکیر بیلدیریب.

ظربف آمریکانین بو آددیمینین قبول ائدیلمز اولدوغونو دئییب.

قید ائدک کی، اخوان المسلیمین عرب-سنی دونیاسیندا اجتماعی-سیاسی فعالیتی اولان ان تانینمیش ایسلامچی حرکاتدیر. اخوان المسلیمین ۲۰۱۲-جی ایلده سئچکیلر نتیجه‌سینده مصرده حاکمیته گلسه ده حربچیلر طرفیندن بیر ایل سونرا دئویرلیبلر. آغ ائو سؤزچوسو سارا ساندرس اؤتن گون بیلدیریب کی، دونالد ترامپ آدمینیستراسییاسی اخوان المسلیمین حرکاتینین ترورچو تشکیلات اعلان ائدیلمه‌سی مسئله‌سی اوزرینده ایشلر آپاریر.