غربی آذربایجان‌دا نمونوی فهله‌لرینین فعالیتینین تقدیر اولوندوغو تدبیرده اورمییه‌نین ایران پارلامنتین‌ده‌کی میلت وکیلی هادی بهادوری و غربی آذربایجانین یئرلی اولمایان کورد کؤکنلی والیسی محمد مهدی شهریاری آراسین‌دا مباحثه یارانیب، میللت وکیلی والینین غربی آذربایجان‌دا قوناق اولدوغونو بیلدیریب.

Axar.az خبر وئریر کی، هادی باهادوری فهله و زحمتکئشلر گونونو تبریک ائد‌رک اقتصادی گرگین‌لییه گؤره حکومت و بوتون رسمی شخصلر طرفین‌دن اهالی‌دن عذر ایسته‌ییب.

«تأسفله اؤلکه‌ده هئچ بیر اقتصادی پروگرام یوخ‌دور. بیز یالنیز فورصتلری تهدیده چئویرمکله مشغولوق. بیر یئرده هر هانسی مثبت ایش گؤرولرسه، اونو همن اؤز آدیمیزا چیخیریق.

آذربایجان‌لی میللت وکیلی سؤزلرینین آراسین‌دا ایران ایستاتستیک مرکزینین معلوماتینا ایستیناد ائد‌رک قربی آذربایجان‌دا ایشسیزلیک سوییه‌سینین هیجری-شمسی تقویمی ایله ۱۳۹۷-جی ایلده ۱۳۹۶-جی ایله نیسبتا ۳ فایز آرتیغینی دئییب. هادی بهادوری بو مسئله‌یه توخوندوقدان سونرا غربی آذربایجان والی‌سی محمد مهدی شهریاری اونون چیخیشینا موداخیله ائدیب و میللت وکیلینی یالان دانیشماق‌دا گناهلاندیریب. والی بیلدیریب کی، بو رقم ۱۳۹۵-جی ایلینه نیسبت‌ده ۱۳۹۶-جی ایلینه عاییددیر.

هادی بهادوری والینین جوابین‌دا دئییب کی، سیز ۳ دفعه غربی آذربایجانی، شرقی آذربایجان آدلاندیران معاوینینیزه خبردارلیق ائتمیرسینیز. ایندی منی یالان‌چیلیقدا اتهام ائدیرسیز. توتاق کی، ۹۵-این یئرینه ۹۶ دئمیشم، بورادا نه پروبلم وارکی!

بون‌دان سونرا میللت وکیلی تدبیر ایشتیراکچیلاری طرفین‌دن آلقیشلانیب.

هادی بهادوری سؤزلرینین داوامین‌دا یئرلی اولمایان کورد کؤکنلی والینی قوناق آدلاندیریب: «سیز بیزیم ایالتده قوناقسینیز. قوناق کیمی اؤز حؤرمتینیزی ساخلایین»