بین الخالق نووه سازیشینه باخمایاراق، آمریکا حکومتی ایرانا قارشی سانکسییالار فونوندا داها بیر آددیم آتیب و بوشهر نووه ایستانسییاسی ایله امکداشلیق ائد‌ن اؤلکه‌لره ده خبردارلیق ائدیب.

Axar.az خبر وئریر کی، بو باره‌ده آمریکانین دؤولت کاتیبلیینین سایتین‌دا بیانات درج ائدیلیب.

بیاناتین بیر قیسمین‌ده گلیب کی، "بو گوندن اعتباراً (۴ مای) بوشهر نووه ایستانسییاسینین گنیشلندیریلمه‌سینه دستک وئرمک ده سانکسییایا شامیل اولا بیلر. طبیعی اورانین قارشیلیغین‌دا ایران‌دان زنگینلشدیریلمیش اورانین خاریجه داشینماسی دا سانکسییا پاکتینه شامیل ائدیله بیلر. ایران گرک بوتون حساس پروگراملارینی او جمله‌دن اورانین زنگینلشدیریلمه‌سینی دایاندیرسین."

بیانات‌دا بیلدیریلیب کی، آمریکا دؤولت کاتیبی مایک پومپو بو قناعت‌ده‌دیر کی، "بو آددیملار ایرانین نووه سلاحی ایستیقامت‌ده ایر‌لیله‌مه‌سینین قارشی‌سینی آلماق اوچون ضروری‌دیر.

م. پومپئونون سؤزلرینه گؤره، "آمریکا ایران اوچون آغیر سو ایله باغلی معینلشدیریله‌ن میقداردان آرتیغینین هر هانسی بیر یئرده ساخلانیلماسینا دا ایجازه وئرمز و بئله بیر ماده ایران اوچون ال چاتان اولمامالیدیر."