«سپاه» ترور تشکیلاتینین باش کومان‌دانینین سیاسی مسئله‌لر اوزره معاوینی یدوللاه جوانی مایین ۱۰-دا ژورنالیستلره آچیقلاماسین‌دا آمریکا پرزیدنتی دونالد ترامپین ایران رهبرلرینه اونونلا علاقه ساخلاماق اوچون ایر‌لی سوردویو تکلیفینه رئاکسییا وئریب.

Axar.az-این معلوماتینا گؤره او بیلدیریب کی، تهرانلا واشینگتن آراسین‌دا هر هان‌سی بیر موذاکیره آپاریلماسین‌دان صحبت گئده بیلمز: «گمان ائدیره‌م کی، آمریکالیلار بیزه قارشی حربی آددیم آتماغا جسارت ائتمه‌یه‌جکلر. بیز اونلارلا موذاکیره آپارمایاجاغیق. اؤتن ایل ترامپ کومانداسی ائله تصور ائدیردی کی، ایران‌دا هرج-مرجلیک اولاجاق و بیز سیستمین چؤکوشوندن احتیاط‌لاناراق، اونلارلا دانیشیقلارا راضی‌لیق وئرجییک. لاکین عمل‌ده بو باش توتمادی.

بو ایل ایسه، آمریکالیلار بیر طرف‌دن «سپاه»ی ترورچو تشکیلاتلار سیاهیسینا داخیل ائتدیلر، دیگر طرف‌دن ده اؤزلرینین « آبراهام لینکلن» طیاره داشییان گمیلرینی بؤلگه‌یه ائزام ائد‌رک، بیزه قارشی بیر نؤو حربی لئکسیکوندان ایستیفاده ائتمه‌یه اوستونلوک وئردیلر. لاکین بوتون بونلارا باخمایاراق، بیر داها بیلدیریرم کی، بیز آمریکا ایله هر هانسی بیر موذاکیره آپارمایاجاغیق» –دئیه یدوللا جوانی علاوه ائدیب.