زنجان ایالتین‌ده یئرلشن انقوران شهرینین «قاواق کندی» قصبه‌سینین اهالی‌سی بؤلگه معدنلرینین تالانماسینین قاشی‌سینی آلماق اوچون یولو شوملاییب، مقصد خام مال داشییان یوک ماشینلارینین حرکتینه مانع اولماقدیر.

Axar.az خبر وئریر کی، بو باره‌ده قصبه اهالی‌سی دفعه‌لر خبردارلیق ائدیب، معدن‌چیلرین یوک ماشینلارینین حرکتی نتیجه‌سینده آسفالتین داغیلماسی و اکین یئرلرینین تخریب ائدیلدیینه اعتراض بیلدیریبلر. اهالینین اعتراضینا محل قویولمادیغی اوچون اونلار یولو شوملاماق مجبوریتینده قالیب.

شکیل‌ده گؤروندویو کیمی، یول شوملاندیق‌دان سونرا چوخ سایدا یوک ماشینینین حرکتین‌ده پروبلم یارانیب، اونلار گؤزله‌مه‌لی اولوبلار.

«انقوران قورغوشون و سینک معدنی» یاخین شرقین ان بؤیوک قورغوشون و سینک معدنی‌دیر. معدن ۷۰ ایلده‌ن چوخ‌دور کی، ایستیفاده اولونور، لاکین بؤلگه اهالی‌سی اوندان بهره‌لنه بیلمیر. بو معدنین ده صاحبلری گونئی آذربایجانین دیگر معدنلری کیمی فارس بؤلگه‌سیندن اولان صاحیبکارلاردیر. معدنین محصولو خام مال کیمی بؤلگه‌دن چیخاریلدیغی اوچون علاوه دیردن الده اولونان گلیر ده ایرانین مرکزی ایالتلرینه نصیب اولور.