پان ایرانیستلرین تضییقی ایله اردبیل‌ده ماننا چارلیغی دؤورونه عایید گوموش قدحین تقدیمی ایله باغلی مراسیم لغو ائدیلیب، بو ایستیقامت‌ده چارلیغین تورک اولماسی ایله علاقه دار خبر ده سایتلاردان سیلینیب.

Axar.az خبر وئریر کی، اؤتن گونلرده اردبیل ایالتی توریزم، ال ایشلری و مدنی ارث تشکیلاتینین رئیسی نادیر فللاحی ۱۸ مای – بین الخالق موزئیلر گونون‌ده اردبیل‌ده ماننا چارلیغی دؤورونه عایید ۳ مین ایللیک قدحین نوماییش ائتدیریلجیینی آچیقلاییب. گوموش قدح بیر مدت اول داها ۴۰۰ تاریخی اشیا ایله بیرلیک‌ده گونئی آذربایجانین خالخال شهرین‌ده تاپیلیب.

«ماننا چارلیغی تورک دؤولتی اولوب. بو قورولوش تخمیناً ۱۰۰۰-۷۰۰ ایل میلاددان اول بوگونکو ایرانین شیمال-غربین‌ده حؤکم سوروب. خالخال شهری ماننا چارلیغینین بیر حیصه‌سی اولوب.»- دئیه مدنی ارث تشکیلاتینین رییسی قید ائتمیش‌دیر.

تضییقلر نتیجه‌سین‌ده آرتیق اکثر خبر آگنتلیکلری بو باره‌ده یایدیقلاری خبری سایتدان سیلیب و یا خبرین مزمونونو تحریف ائد‌رک چارلیغین تورک دؤولتی اولدوغونا دایر دئییله‌ن جمله‌نی سنزورا ائدیبلر. حاضردا خبری یالنیز «آریا» و «بورنا» آگنتلیکلرینده گؤرمک مومکون‌دور، لاکین همین آگنتلیکلرین بو باره‌ده وئره‌جکلری قرار گله‌جک گونلرده معلوم اولاجاق.