گونئی آذربایجانین اهر و هریس شهرلرینین ایران پارلامنتین‌ده‌کی میللت وکیلی بیتوللا عبداللهی هریسین بیر کیچیک کندین‌ده یوخسوللوق‌دان ۷ کند ساکینین اینتیهار ائتدیینی بیلدیریب.

Axar.az خبر وئریر کی، او بو باره‌ده مایین ۲۱-ده پارلامئنت‌ده چیخیشی زامانی دانیشیب.

«هریسین ۱۵۰۰ نفر اهالی‌سی اولان بیر کندین‌ده سون بیر ایل عرضینده ۷ نفر اینتیهار ائدیب. طبیعی کی، بو اینتیهارلارین اساس سببی کندلرده حکم سوره‌ن یوخسوللوقدور.

بوندان اول همین کندین اهالی‌سی اینشاعات ایشلرین‌ده چالیشیردی، حاضردا اینشاعات ایشلرین‌ده دورغونلوق یاشاندیغی اوچون اهالی ایشسیز قالیب.

اهر و هریسین کندلرین‌ده یالنیز پاییز فصلی و یازین اوللرینده سو اولور. کندلرین اهالی‌سی اکینچی‌لیک ایشلرینی برپا ائتمک اوچون دؤولتدن کیچیک سو بندلرینین تیکیلمه‌سینی گؤزلییر. لاکین بو طلب تعمین اولونمور.

هریس کندلرین‌ده حتی ایچمه‌لی سو دا باهالی قیمته ساتیلیر، قیمتین اوجوزلاشماسینا دایر وئریلن وعدلر ایسه یئرینه یئتیریلمیر.