"ایران اورانین حددن آرتیق زنگینلشدیریلمه‌سی ایله اودلا اوینامیش اولور"

آخار. آذ خبر وئریر کی، بونو آبش پرئزیدئنتی دونالد ترامپ اؤتن گون آغ ائوده کئچیریله‌ن مراسیم زامانی دئییب.

نووه سازیشین‌دن بیرطرف‌لی شکی‌ده چیخان آمریکا پرئزیدئنتی ایران‌دا زنگینلشدیریله‌ن اورانین ۳۰۰ کیلو کئچمه‌سینه مناسیبت بیلدیره‌رک، وورغولاییب کی، ایران بو آددیمی ایله اودلا اوینامیش حساب اولونور.

قید ائدک کی، ایران نووه سازیشینین عهده‌لیکلری ایله باغلی ۴+۱ اؤلکه‌لرینین کافی آددیملار آتمادیغینی بیلدیریب و ۲ آی اؤنجه سازیشین ایکی بندینین ایجراسینی دایاندیریب. ایران اؤهده‌لیکلره لازیمی شکیل‌ده عمل ائدیلمزسه جاری آیین ۷-ده نووه سازیشینین داها ایکی بندینین ایجراسینی دایاندیراجاغینی بیلدیریب. ایران، سابیق خبردارلیق آددیملارینا اساساً زنگینلشدیریلمیش اورانین و "آغیر سو"یون ایستحصالینین آرتیریلاجاغینی، بو محصوللارین خاریجه گؤندریلمیجیینی بیلدیریب. نؤوبتی آددیمدا ایسه ایران اورانین زنگینلشدیریلمه‌سی فایزینین آرتیریلاجاغینی بیان ائدیب.