"سعودییه عربیستانی ۳ آی اؤنجه تکنیکی ناسازلیق اوجباتین‌دان بو اؤلکه ساحلین‌ده دایانان ایران نفت گمی‌سینی بوراخماق ایستمیر و علاوه پول طلب ائدیر. سعودییه عربیستانی بو آددیملا ایکی اؤلکه آراسین‌دا اولان گرگینلیگی آرتیرمامالیدیر."

آخار. آذ خبر وئریر کی، بونو ایران پارلامنتینین انرژی مسئله‌لری اوزره کمیسییاسینین عضوو جلال میرزایی دئییب.

ایران‌لی میلت وکیلی بیلدیریب کی، لازیمی اودنیشلره باخمایاراق، سعودییه عربیستانی بو گمینی سبب‌سیز یئره ساخلاماقلا گرگینلیگی داها دا آرتیرمامالیدیر.

ایران‌لی میلت وکیلین سؤزلرینه گؤره طرفلر حج مراسیمی مسئله‌سینده اورتاق مؤقع اورتایا قویوب، بو مراسیمی سیاسی مسئله‌لردن اوزاق توتدوغو کیمی، سؤزوگئدن قاچیلماز نقلیات و اقتصادی حادثه‌لری ده سیاست‌دن اوزاق توتماغی باجارمالیدیر.

قید ائدک کی، ایرانین نفت داشییان "هاپپینسس -۱" آدلی گمی‌سی ۳ آی اؤنجه قیرمیزی دنیزده اوز‌ن زامان تئکنیکی ناسازلیق‌دان سعودییه ساحلینه چیخمالی اولوب. ایران طرفی بو مدت عرضین‌ده گمینین تعمیری و ساخلانیلماسینا گؤره جده دنیز لیمانینا آزی ۱۰ میلیون دلارین اؤدنیلدیینی، لاکین یئنیجه سعودییه طرفیننین بو گمینین هر گونونه گؤره علاوه ۲۰۰ مین دلار طلب ائتدیینی بیلدیریب. ایران منبع‌لری بیلدیریر کی، نفت گمی‌سینین گتیریلمه‌سی اوچون سعودییه لیمانینا علاوه ایکی ائواکواسییا گمی‌سی گؤندریب. لاکین سعودییه عربیستانی همین گمیلره گؤره ده (هر گونه ۳۰ مین دلار) طلب ائدیر.