عراقین دئوریلمیش پرزیدنتین صدام حسینین اعدام اولونماسین‌دان ۱۳ ایلده‌ن چوخ واخت کئچیر.

آوروپا. اینفو خبر وئریر کی، بی بی سی کانالی صدام حسینین اعدامینا قرار وئره‌ن عراق‌لی حاکملردن بیریندن آلدیغی رپورتاژدا صدامین سون آنلارینا دایر دئتاللاری پایلاشیب. عراق‌لی حاکم مونیر حداد قرارین نئجه وئریلمه‌سی و ایجرا اولونماسی حاق‌دا دانیشیب.

- نوری ال-مالیکی حکومتی ایله مصلحتلشمه آپاریلیردی. صدام حسینین اعدام قراری نئجه وئریلدی؟

- آپئلیاسییا محکمه‌سی کیمی ۹ عضودن عبارت ایدیک. قرارین تصدیقی اوچون ۹ عضو آراسین‌دا سسوئرمه آپاریلماسی لازیم ایدی. ۲۳.۱۲.۲۰۰۶-جی ایل تاریخین‌ده نوری ال-مالیکی صدام حسینین اعدام اولوناجاغینی عراق‌لیلارا بیان ائتدی. نوری المالیکی ایله دوست ایدیک. من‌دن قرار حاق‌دا سوروشدو. من ده ایشین باشا چاتماسی اوچون ۱ آی لازیم اولدوغونو دئدیم. آپئلیاسییا محکمه‌سی ییغیشدی و اوزون ایجلاسلاردان سونرا ۳ گون ایچین‌ده اعدام قراری وئردیک.

- ۹ عضوون هامی‌سی اعدام قرارینی ایمضالادی؟

- ۹ عضودن یئددیسی اعدام قرارینی ایمضالادی. دیگر ایکی عضو ایسه یایین‌دی.

- آمریکالیلارین اعدام قرارینا تأثیری اولدومو؟

- قطیعا خئیر. تأثیرلری اولمادی. آمریکالیلار و اینگیلیسلر محکمه‌ده کونسولتانت کیمی ایشتیراک ائدیردیلر. عراق جینایت محکمه‌سی عراق عالی محکمه‌سین‌دن آیری قوروم‌دور، باشقا محکمه‌دیر.

- آمریکالی و اینگیلیس کونسولتانتلار محکمه‌ده ایشتیراک ائدیردیلر؟

- بلی، وار ایدیلر.

- بس، اونلارین وظیفه‌سی نه ایدی؟

- اونلار ساده‌جه معاشلارینی آلیردیلار. بیر چوخ محکمه‌ده، لاهه محکمه‌سین‌ده کورس کئچدیک. بین الخالق قانونلار حاق‌دا درس آلدیق. بین الخالق جینایت محکمه‌سی عراق جینایت محکمه‌سین‌دن فرقلی‌دیر. بئله کی، صدام حسین عراق قانونلارینا گؤره محاکیمه اولونسایدی، آزاد اولوناردی. بیز ده اونون بین الخالق حقوق اساسین‌دا حاکیمه ائتدیک. قانونلاری اینگیلیسجه‌دن عربجه‌یه ترجمه ائتدیک. بو مسئله‌ده عراق اصیل‌لی اینگیلیس وکیل سامی شلبینین رولو بؤیوکدور.

- نوری مالیکینین «ساغ الی» عزت شهباندارین سؤزلری حاق‌دا نه دئیجکسینیز؟

- نوری مالیکینین «ساغ الی» عزت شهباندار «صدام آمریکا حربچیلرینین نظارتین‌ده ایدی، داها سونرا عراق‌لیلارا وئریلدی. پرزیدنت بوش ایله گؤروشدوم. کؤرفز اؤلکه‌لری و آمریکانین تضییقلرین‌دن دانیشدیم. بوش ایسه منه «اونو بو گون اعدام ائدین» دئدی و اعدام حیاتا کئچیریلدی» دئمیشدی. بونلارین هامی‌سی شیشیردیلیب و دوزگون دئییل. نه آمریکا، نه ده کؤرفز اؤلکه‌لرینین تضییقی اولوب.

- صدامین اعدامی عراق‌لیلارین قراری ایدیمی؟

- تمامیله عراق‌لیلارین قراری ایدی. اعدام قرارینی من و عراق‌لی حاکملر وئردی.

- اعدامین حیاتا کئچیریلدیی گون سیز ده محکمه‌ده ایدینیز. نیین شاهیدی اولدونوز؟

- صدام حسین جینایتکار ایدی و من عائله‌م‌دن داواملی اولاراق اونون جینایتلری حاق‌دا ائشیدردیم. صدام اینسانلاری شخصاً اؤلدوروردو. محکمه گونو صدامین اوزوندن قورخدوغو گؤرونوردو.

- صدام حسین بایرام گئجه‌سی اعدام ائدیلدی. کدرلنمدینیزمی؟ و یاخود نلر حس ائتدینیز؟

- صدامین اعدام اولونماسی ایله باغلی هئچ بیر ناراحاتلیغیم یوخ ایدی و هئچ نه حس ائتمدیم. بیز بو قراری وئررکن، اوندان اینتیقام آلماق اوچون ائتمدیک. قراریمیزین آرخاسین‌دا مذهب دوشونجه‌سی یوخ ایدی. صدام اؤزونون سنی اولدوغونو دئییردی، اما او، بیر گون بئله سنی اولمادی. اصل دیکتاتور ایدی.

- محکمه سالونوندا کیملر وار ایدی؟ صدامین سون سؤزلری نه ایدی؟

- سون سؤزلری قیزینا باخمامی ایسته دی و شهادت گتیردی. ایکی دفعه شهادت گتیردی. ایکینجی شهادتی گتیردیی اسنادا اعدامی حیاتا کئچیریلدی. اعدام‌دان سونرا دا جسدینی عائله‌سینه وئردیک.