«بابک قالاسی» یوروشونون ایلدؤنومو گونلرین‌ده گونئی آذربایجانین موختلیف شهرلرینده میللی-مدنی فعاللار تهلوکه‌سیزلیک اورگانلاری طرفین‌دن تهدید ائدیله‌رک ایداره‌یه چاغیریلیب، اونلارا یوروشه قاتیلماسینلار دئیه خبردارلیق ائدیلیب.

آخار. آذ-این معلوماتینا گؤره، فعاللارا قارشی تضییقلر ۱۰ گون اول‌دن باشلاییب، ایولون ۵-ده ایسه «بابک قالاسی» و اطراف اراضیلرده پولیس نظارتی گؤزه چارپان درجه‌ده آرتیب.

«بابک قالاسی»نین یئرلشدیی کلیبر شهرینه باغلانان بوتون یوللار پولیس و دیگر تهلوکه‌سیزلیک قوه‌لری طرفین‌دن باغلانیلیب، بوتون آوتوموبیللر یوخلانیلدیق‌دان سونرا شهره بوراخیلیر.

«بابک قالاسی»نا یاخین اراضیلره پولیس امکداشلارین‌دان باشقا «سپاه»چیلار، اطلاعات امکداشلاری، بسیج قوه‌لری و مولکی گئییملی مأمورلار دا یئرلشدیریلیب. اونلار ایران و دینی آیینلره عایید بایراقلار نوماییش ائتدیره‌رک قورخولو آتموسفر یاراتماغا چالیشیبلار.

تهلوکه‌سیزلیک قوه‌لری اراضی‌ده‌کی اینسانلار و میللی فعاللاری کامرایا چکیب، اونلارا توپلاشما ایجازه‌سی وئرمه‌دن اراضی‌دن اوزاقلاشدیریبلار.