«آسوشیتد پرس»این موخبیری سون ۹ گون عرضین‌ده ایرانین پایتختی تهران‌دا اونلارلا قادینین اوتل لوببیلری، پارک و تیجارت مرکزلرین‌ده حجاب‌سیز دولاشدیغینی یازیب.

بو حرکت گنج قادینلارین گئییم کودلارینا اطاعتسیزلیینی نوماییش ائتدیریر. لاکین اونلار ۱۹۷۹-جو ایل ایران ایسلام اینقیلابین‌دان سونرا تاسیس ائدیله‌ن اخلاق پلیسینین هدفینه چئوریلمه ریسکی آلتیندادیر.

تضییقلردن قورخدوغو اوچون آدینی آچیقلامایان ۳۰ یاش‌لی بیر قادین سوسیال مئدیادا بونون چوخ ریسکلی و تهلوکه‌لی اولدوغوندان بحث ائدیب. لاکین او، عینی زامان‌دا داها چوخ قادینین بو حرکاتا قوشولماسینین رسمیلرین رئاکسییاسینی چتینلشدیردیینی بیلدیریب.

آدی آچیقلانمایان قادین همجینسلرینین تعقیب اولونمالارینا باخمایاراق، اونلارین یاخالانمایاجاغینا اومیدینی ایفاده ائدیب.

حجاب دباتلاری ایرانین آمریکا سانکسییالاری آلتیندا آغیر اقتصادی دوروما دوشدویو بیر واخت آپاریلیر. حکومتین حجابسیزلیق حرکاتینا اؤلکه والیوتاسینین دیر ایتیردیی و ائولرین باهالاشدیغی بیر شراطده نه کیمی مناسیبت گؤستره بیلجیی بللی دئییل.

حجاب قالماقالی ۲۰۱۷-جی ایلده «اینقیلاب کوچه‌سین‌ده‌کی قیز» کیمی تانینان ۳۲ یاش‌لی موحیدین باش اؤرتویونو چیخاریب، اونو هاوادا یئلله‌مه‌سیندن سونرا باش قالدیریب.

موحیدین بو حرکتی ایران‌دا دیگر قادینلار طرفین‌دن دستکلنمیش و اونلار اجتیماعیت قارشی‌سیندا مجبوری باش اؤرتویونو چیخاراراق اطاعت‌سیزلیک نوماییش ائتدیرمه‌یه باشلامیشدی.

ایران‌دا قادینلاردان اجتماعی یئرلرده باشلارینی اؤرتمه‌سی قایداسینی پوزانلاری یا ۲ آیلیق حبس جزاسی، یا دا ۲۵ دلارا قدر جریمه گؤزلییر.