ایران اینقیلابی‌نین کئشیک‌چیلر اوردوسونون دنیز قوه‌لری فارس کؤرفزین‌ده ساخلانیلان خاریجی نئفت گمی‌سی‌نین گؤرونتولرینی یاییملاییب.

آخار. آذ خبر وئریر کی، سپاه اوردوسونون دنیز قوه‌لری فارس کؤرفزین‌ده نئفت قاچاق‌مال‌چی‌لیغی ایله مشغول اولدوغو و بیر میلیون لیتر نئفت داشیدیغی دئییله‌ن خاریجی گمی‌نین گؤرونتولرینی یاییملاییب.

سپاه اوتن گون بیانات وئریب کی، دنیز قوه‌لری فارس کؤرفزین‌ده لاراک آداسی‌نین جنوبون‌دا بیر میلیون لیتر جیوارین‌دا قاچاق نئفت داشییان خاریجی گمینی ساخلاییب.

علاوه ائدیلیب کی، خاریجی گمیده قاچاق نئفتین اولدوغو تثبیت ائدیلدیک‌دن و اؤلکه محکمه‌سی‌نین لازیمی قرارلاری‌نین وئریلمه‌سین‌دن سونرا بیر میلیون لیتر جیوارین‌دا یوکو اولان گمی اؤتن بازار گونو ساخلانیلیب و آراشدیرمالارین آپاریلماسی اوچون ساحله گتیریلیب.