ایستانبول‌دا توپخانا موشیری زکی پاشا ویللاسی ۵۵۰ میلیون لیره‌یه ساتیشا چیخاریلیب.

مساوات. کوم خبر وئریر کی، ساتیشا چیخاریلان بو ویللادا بؤیوک بریتانییانین یئنی باش ناظری اولان بوریس جونسونون باباسی علی کمال دا یاشاییب.

۲-جی عبد الحمید زامانی ناظر اولان موشیری زکی پاشا اوچون تیکیله‌ن بو ویللا دونیانین ان باهالی ۱۰ ائوین‌دن بیریدیر. ساتیشا چیخاریلان ۲۳ اوتاق‌لی ویللانین ۱۳۰ یاشی وار. ویللا ۴ مرتبه‌دن عبارت‌دیر. هر مرتبه‌ده ۵-ی دنیز منظره‌لی اولماقلا ۶ اوتاق وار. بوندان علاوه، ویللانین ۴ مین ۳۲ کوادرات متر باغ ساحه‌سی وار.

ویللایا خصوصی اولاراق کؤرفز اؤلکه‌لرینین ماراق گؤسترجیی احتیمال ائدیلیر.

بوریس جونسونون باباسی اولان تورکییه‌لی ژورنالیست علی کمال سؤزوگئدن ویللادا یاشاییب. چونکی او، موشیری زکی پاشانین قیزی سبیهه سلطان ایله ائولی اولوب. اونلار سؤزوگئدن ساتیشا چیخاریلمیش بو باهالی ویللادا بیر مدت یاشاییب. علی کمال سبیها سلطان ایله ائوله‌نمه‌دن اؤنجه بیر اینگیلیس خانیملا ائولی اولوب. همین ائولیلیکدن اونون سلما آدلی قیزی، عثمان آدیندا اوغلو دونیایا گلیب. علی کمالین عائله قوردوغو اینگیلیس خانیمین آدی وینایفر بران اولوب.

قید ائدک کی، اؤتن ایل ایستانبول‌دا داها بیر باهالی ویللا ساتیشا چیخاریلمیشدی. ۱۵۰ میلیون دلارا ساتیشا چیخاریلان ویللا شاه‌زاده بورهان الدینین آدینی داشیییردی.