سایین پزشکیان جناب‌لاری! بو سؤزلری بیز سیزدن داها یاخشی بیلیریک، حتی سیزدن داها یاخشی دیله گتیریریک ده. بو میللت سیزه و سیزه تای‌لارا سس (رأی) وئرمه‌ییب کی قشنگ قشنگ سؤزلر دانیشاسینیز. بو میللت سیزه سس وئریب کی بو "غیر قانونی" و "غیر منطقی" آدلاندیردیغینیز ایش‌لرین قاباغینی آلاسینیز.

بونو دا بیلین کی "طرح بسندگی زبان فارسی" سؤزونو دیله گتیرنلر، یالنیز دیلده بیر سؤز دئمه‌ییبلر کی سیز ده اونلاری دیلده قینایاسینیز و فیکر ائده‌سینیز مسأله حل اولدو. بو طرح ایشده (عمل‌ده) اجرا اولونور. دوز دئیییرسینیزسه، بونون اجراسینین قاباغینی آلین! میللتی یئنی باخانین (وزیرین) ایش اوسته گلمه‌سینه حواله وئرمه‌یین!

نه‌یین پئشینده اولدوغونوزو یاخشی بیلیریک! سئچکی‌لر قاباقدادیر و بو طرح مجلسه گئتمک ایسته‌ین چوخلو آدام‌لارا چؤرک آغاجی (سس قازانماق آراجی) اولاجاقدیر.

بو دؤرد ایلده دؤولت هر نه ایسته‌دی، ائله‌دی. آنجاق، سیز و سیزه تای مجلس وکیل‌لری یالنیز و یالنیز سس-کوی سالدینیز. هئچ ایش ده گؤرمه‌دینیز.

بیر بئله بوش-بوشونا آسارام-کسرم دئمکدن یورولمادینیز می؟

حؤرمتله