کئئله اونیورسیته‌تی‌نین (اینگیلتره) پروفسورو جوئل هئللیئرین باش‌چی‌لیق ائتدیی بیر قروپ آسترونوم «واسپ-سووته» یئروستو روبوت تلسکوپون‌دان ایستیفاده ائد‌ه‌رک دؤرد یئنی ایستی یوپیتر تیپ‌لی اکزوپلانئت آشکار ائدیبلر.

ترئند-ین معلوماتینا گؤره، بونلاردان بیری ان یوکسک تئمپراتورا، دیگری ایسه غریبه بیر اوربیته مالیک اولان اکزوپلانئتلردیر.

ایلک اکزوپلانئت «واسپ-۱۷۸ب» گونش‌دن تقریباً ۱۳۶۰ ایشیق ایلی مسافه‌ده یئرلشیر و اولترا-ایستی یوپیترلره عاییددیر. پلانتین خاریجی طبقه‌لرینین گوندوز واختی تئمپراتورو ۲۴۷۰ کئلوین تشکیل ائدیر کی، بو دا اونون بو گونه قدر تانینان ان ایستی اکزوپلانئتلردن بیری اولدوغونو ثبوت ائدیر. اکزوپلانئت اؤز اولدوزو اطرافین‌دا ۳.۳ گونه تام دؤور ائدیر، رادیوسو یوپیترین رادیوسونون ۱.۸۴، کوتله‌سی ایسه تخمیناً ۱.۶۶ حیسه‌سینی تشکیل ائدیر.

ایکینجی کشف ائدیلمیش «واسپ-۱۸۴ب» اکزوپلانئتینین کوتله‌سی یوپیتئرین کوتله‌سی‌نین تخمیناً ۰،۵۷، رادیوسو ایسه ۱.۳۳ حیسه‌سینه برابردیر. پلانئت گونش‌دن تقریباً ۲۱۰۰ ایشیق ایلی مسافه‌ده یئرلشیر و افئکتیو ایستی‌لیگی ۱۴۸۰ کئلوین‌دیر.

یئنی کشف ائدیلمیش «واسپ-۱۹۲ب» آدلی اوچونجو اکزوپلانئت اولدوقجا آغیردیر. کوتله‌سی یوپیتئرین کوتله‌سین‌دن ۲.۳ دفعه بؤیوک، رادیوسو ایسه تقریباً ۱.۲۳ حیسه‌سینه برابردیر. گونش‌دن تقریباً ۱۶۰۰ ایشیق ایلی مسافه‌ده یئرلشیر. پلانئتین تئمپئراتورو تخمیناً ۱۶۲۰ کئلوین‌دیر.

گونش‌دن ۹۰۰ ایشیق ایلی مسافه‌ده یئرلشه‌ن دؤردونجو «واسپ-۱۸۵ب» ائکزوپلانئتین رادیوسو یوپیتئرین رادیوسونون ۱،۲۵ حیسه‌سینی تشکیل ائدیر، کوتله‌سی ایسه تقریباً یوپیتئرین کوتله‌سینه برابردیر. اونون اوربیتینین اکسسنتریسته‌تی تخمیناً ۰.۲۴ و پئریودونون تقریباً ۹.۴ یئر سوتکاسی قدر اولماسی پلانئتین غیری-عادی خصوصیتلرین‌دن‌دیر. عادتاً بئله ایستی یوپیترلر اؤز اولدوزلارینا داها یاخیندیرلار.