ملیک‌کندی‌نین فارابی خسته‌خاناسی مراجعت‌چیلره جاواب وئره‌جک دوروم‌دا دئییل.

آذنیوز. تی وی خبر وئریر کی، خسته‌خانایا مراجعت ائد‌ن شخصلر خسته‌لری‌نین باخیم‌سیز حالینی گؤردوکلری زامان اونلاری باشقا خسته‌خانایا کؤچوروبلر. مراجعت ائد‌نلر خسته‌خانانین ساغلام‌لیق دورومون‌دان، کادرلارین خسته‌لره اؤنم وئرمه‌مه‌سی، کادر چاتیشمازلیغی، تاسیساتلارین آیلاردیر تعمیره احتیاجی اولماسی، متخصص حکیملرین اولماماسی و س. بو کیمی بیر چوخ پروبلئملردن گیلئیلنیبلر.

خاطیرلاداق کی، بعضی اهالی ملیک‌کندی شهری‌نین میللت وکیلی‌نین خسته‌خانایا غیری-متخصص کارلارین ایشه قبول ائتمه‌سینه گؤره ناراحات‌لیقلارینی ایفاده ائد‌رک، سؤزو گئدن شخصی خسته‌خانانین حاضیرکی وضعیته گلمه‌سین‌ده گوناهلاندیریرلار.