آنا صحیفه پلانت |
ایکینجی خانیمینی قتله یئتیرهن تهرانین سابیق مری محمدعلی نجفی مرحومون یاخینلاری طرفیندن عفو ائدیلیب. قیصاص و اعدام حکمو ایران پرزیدنتینین سابیق مشاویرینه تطبیق ائدیلمهیهجک.
آخار. آذ خبر وئریر کی، بو بارهده قتله یئتیریلمیش خانیم مرحوم میترا اوستادین قارداشی مسعود اوستاد معلومات وئریب.
او، سوسیال شبکه واسطهسیله باجیسینی قتله یئتیرهن سابیق مرین قیصاص ائدیلمهسی حاقیندان کئچدیینی بیلدیریب. سابیق مرین اعدام ائدیلمهسی حاقیندان کئچدیینی دئیهن اوستاد، نجفینین قالان عمرونون حبس حیاتیندا قالاراق، اؤزونو اصلاح ائتمهسینی ایستهییب.
قید ائدک کی، ایران محکمه حاکمیتی بوندان اؤنجه بیلدیریب کی، اتهاملاندیریلان سابیق مره قارشی قالدیریلان ۳ ماددنین ایکیسینده محمدعلی نجفی تقصیرلی بیلینیب و او قصداً آدام اؤلدورمه مادهسی ایله اتهاملاندیریلاراق، بارهسینده "قیصاص" حکمو وئریلیب.
خاطیرلاداق کی، مای آییندا تهرانین سابیق مری ایکینجی خانیمی میترا اوستادا آتش آچاراق اونو قتله یئتیریب. تهرانین سابیق مری محمدعلی نجفی، حسن روحانینی سابیق مشاویری، اؤلکهنین سابیق علملر ناظری و دیگر رسمی پوستلارین صاحبی اولوب. او ایکی ایل اؤنجه خستهلییه گؤره تهران مرلییندن ایستعفا وئریب. سابیق مر ایراندا اصلاحاتچیلار سیاسی جیناحینین اساس نمایندهلریندندیر.
تاریخ
2019.08.14 / 12:49
|
مولف
Axar.az
|