ایرانین عالی دینی لیدئری آیت الله سید علی خامنه ای یمنین "انصار الله" حرکاتینی تمثیل ائد‌ن نماینده هئیتینی قبول ائدیب.

گؤروش پایتخت تهران شهرین‌ده باش توتوب.

آیت الله سید علی خامنه ای گؤروش زامانی سعودییه عربیستانین‌دان و بیرلشمیش عرب امیرلیکلرین‌دن سؤز آچیب. "اونلار یمنین بؤلونمه‌سینی ایستییرلر. لاکین بو پلان قارشی‌سیندا دایانمالی و یمنین اراضی بوتؤولویونو قوروماق لازیم‌دیر"، - دئیه آیت الله سید علی خامنه ای دقته چاتدیریب. یمن خالقینین قدیم مدنیته صاحب اولدوغونو وورغولایان آیتوللاه خامنه ای ایشغال‌چیلارا قارشی ۵ ایلدیر داوام ائد‌ن مباریزه‌نین تقدیرلاییق اولدوغونو بیلدیریب. عالی دینی لیدر آمریکا و بعضی غرب اؤلکه‌لرینی ده تنقید ائدیب:

"بو دؤولتلر اینسان حاقلاری آدی آلتین‌دا جینایتلر تؤردیرلر و یا بو ایشی گؤره‌نلره دستک وئریرلر". "انصار الله" نماینده هئیتینین رهبری محمد عبد السلام دا یمن خالقینین سون آنا قدر مباریزه آپاراجاغینی قید ائدیب.