آمریکا بیرلشمیش ایشتاتلارینین دؤلت دپارتامنتینین رهبری مایک پومپئو ایرانین نفت ساتیشین‌دان الده ائتدیی گلیرلرینین «قدس بریگاداسی»نین رهبری قاسیم سلیمانی و «سپاه» طرفین‌دن ترورچولوغا صرف ائدیلدیینی بیلدیریب.

آخار. آذ خبر وئریر کی، او، بو سؤزلری «فوکس نیوز» تله‌کانالی ایله جبل الطارقین ایرانا مخصوص ساخلادیغی تانکری آزاد ائتمه‌سی ایله باغلی مصاحیبه‌سی زامانی دئییب. جبل الطارق رهبرلیینین بو قرارین‌دان تأسف حسی کئچیردیینی دیله گتیره‌ن پومپئو قید ائدیب کی، ایرانین بو تانکر واسطه‌سیله نفت داشیییب، گلیر الده ائتمه‌سی «سپاه»این ترور فعالیتلرینی گئنیشلندیرمک اوچون داها چوخ ثروت الده ائتمه‌سی آنلامینا گلیر.