آنا صحیفه پلانت |
"محاربهنین باش وئرمهسی آمریکا و متفیقلری اوچون قورخونج اولاجاق".
آخار. آذ خبر وئریر کی، معلوماتینا گؤره، بونو ایرانین میللی تهلوکهسیزلیک آلی شوراسینین کاتیبی علی شمخانی آمریکانین ان بی سی کانالینا مصاحیبهسینده دئییب.
آمریکا پرزیدنتی دونالد ترامپین ایرانا قارشی یئنی سانکسییالار تطبیقینه و ایرانین بیرلشمیش ایشتاتلارین پیلوتسوز طیارهسینی وورماسینا باخمایاراق، شمخانی محاربه تهلوکهسینین اولمادیغی قناعتیندهدیر. بونونلا بئله، او بیلدیریب کی، محاربه اولارسا، بو ،آمریکا و متفیقلری اوچون قورخونج اولاجاق.
"محاربه اولارسا، ایران آسیمتریک محاربه نؤوعوندن ایستیفاده ائدجکمی" سوالینین جوابیندا ا.شمخانی دئییب کی، ایرانین موختلیف محاربه اصوللاری مؤوجودودر اونلارین آراسیندا ایرانین متفیقلرینین رئاکسییاسینی گؤسترمک اولار.
شمخانی همچینین بیلدیریب کی، رسمی تهرانین نووه پروگرامی اوزره سازیشی ایمضالاماسی سهو ایدی: «اؤلکهده بعضی اینسانلار هله ده بئله دوشونورلر. من ایران خالقینین فیکری ایله راضییام».
اونون سؤزلرینه گؤره، آمریکا ایله حربی موناقیشه اولاجاغی تقدیرده ایرانین "الینین آلتیندا بیر چوخ آلتی وار".
موصاحیبهنین تام متنی آچیقلانماییب.
تاریخ
2019.08.20 / 15:56
|
مولف
Axar.az
|