ایرانین محکمه حاکمیتی ایکی میلیون بارل نفتی داشییان گراس ۱ نفت گمی‌سینین (آدریان داریا) بریتانییا طرفین‌دن ۴۵ گون ساخلانیلماسینا گؤره کومپئنساسییانین اؤدنیلمه‌سینی طلب ائدیب.

آخار. آذ خبر وئریر کی، بو باره‌ده ایرانین محکمه حاکمیتینین صدری حجت الایسلام ابراهیم رئیسی دئییب.

رئیسینین سؤزلرینه گؤره نفت گمی‌سینین سربست بوراخیلماسی کافی دئییل، بریتانییا طرفی گرک کومپئنساسییا دا اؤد‌سین.

قید ائدک کی، بریتانییا دنیز قوه‌لری آی یاریم اؤنجه جبل الطاریق ساحلینه یاخین سولاردا ایرانین گراس۱ نئفت گمی‌سینی ساخلاییب. بریتانییا بو آددیمی ایران گمی‌سینین "آوروپا اتفاقینین سورییایا تطبیق ائتدیی سانکسییالاری پوزدوغونا گؤره" آتدیغینی بیلدیریب. بونا جواب اولاراق ایران دا اؤتن آی هرمزده بیر بریتانییا گمی‌سینی، "دنیز نقلیاتی تهلوکه‌سیزلیک قایدالارینی پوزدوغونا گؤره" ساخلاییب.