"کؤرفزده‌کی عرب دؤولتلری میلیاردلارلا دلارلیق غرب سلاحینی آلماقلا تهلوکه‌سیزلیگی تعمین ائده بیلمه‌یه‌جکلر. بؤلگه‌ده اجنبی حربی قوه‌لرین اولماسی نه قدر چوخ اولسا بئله تهلوکه‌سیزلیگی برپا ائده بیلمز."

آخار. آذ خبر وئریر کی، بونو ایران خاریجی ایشلر ناظری محمد جواد ظریف دئییب.

ایران خاریجی ایشلر ناظری ایسوچ کراللیغینین پایتختین‌دا استکهلم صولح آراشدیرمالاری اینستیتوتون‌دا چیخیشی زامانی بیلدیریب کی، کؤرفزده یئرلشه‌ن عرب اؤلکه‌لری میلیاردلارلا دلارلیق سلاح آلماقلا تهلوکه‌سیزلیگی تعمین ائده بیلمه‌یه‌جکلر.

او، بؤلگه‌ده تهلوکسیزلیین تعمین ائدیلمه‌سینین حلی یولو کیمی اؤز تکلیفینی بئله آچیقلاییب:

"کؤرفزده دنیز نقلیاتینین تهلوکسیزلیین تعمین ائدیلمه‌سی اوچون ایران کؤرفز اؤلکه‌لری ایله بیرگه قارشی‌لیق‌لی اعتیمادین یارانماسی اوچون راضیلاشمایا گئده بیلر. بیز دانیشیقلارا باشلایا بیلریک، ائله بیر دانیشیقلار کی، سون‌دا قارشی‌لیقلی شکیل‌ده تجاووزون اولماماسی آنلاشماسی ایله سونوجلانسین."

جواد ظریف بو چیخیشین‌دا آمریکانین ایرانلا باغلی سیاستی حاق‌دا خصوصیله ده هرمزده یئنی حربی اتفاق یاراتماق پلانی حاق‌دا دا خبردارلیق ائدیب. او بیلدیریب کی، ایران دا بیر گون ترامپین گؤزلنیلمز آددیملی سیاستینه جواب اولاراق، گؤزلنیلمز سیاسته ال آتسین.