ایسرایلین باش ناظری بنیامین نتانیاهو آوقوستون ۲۲-ده اؤلکه‌سینین مهاجیر روسلارا مخصوص «شبکه ۹» تله کانالینا آچیقلاماسین‌دا ایرانین بوتون بؤلگه‌ده هدفه آلینماسین‌دان دانیشیب.

آخار. آذ-این معلوماتینا گؤره او دئییب کی، ایسرایل بوتون رگیون‌دا، او جمله‌دن ده عراق‌دا ایرانین حربی قوه‌لرینه و اونلارین سلاح آنبارلارینا قارشی حرکته کئچه‌جک: «ایران ایسرایلین محو اولونماسینی اؤز بایراغی اوزرینده حک ائدیب. بیز بیر چوخ ساحه‌لرده بیزیم محویمیزی آرزولایان بیر اؤلکه قارشی‌سیندا حرکته کئچمیشیک. من ایسرائیل اوردوسونا بو باخیم‌دان تام صلاحیت وئرمیشه‌م و تهلوکه‌سیزلیک قوه‌لریمیزه ده گؤستریش وئرمیشه‌م کی، ایرانین مکرلی پلانلارینی ضررسیزلش‌دیرمک اوچون اللرین‌دن گلنی ائتسینلر و لازیم بیلدیکلری آددیمی آتسینلار» –دئیه ایسرایلین باش ناظری بنیامین نتانیاهو علاوه ائدیب.