ایران‌دا «شرق» قزئتینین امکداشی، تهران اونیورسیتتینین سوسیالوگییا فاکولته‌سینین طلبه‌سی، ژورنالیست مرزیه امیری ۱۰ ایل یاریم حبسه و ۱۴۸ شاللاق ضربه‌سینه محکوم ائدیلیب.

آخار. آذ خبر وئریر کی، بو باره‌ده ژورنالیستین باجی‌سی سمیرا امیری تویتر صحیفه‌سین‌ده معلومات یاییب.

او بیلدیریب کی، مرزیه‌یه چیخاریلان حکم آپللیاسییا محکمه‌سی طرفین‌دن تصدیق ائدیل‌سه، حبسین ان آزی ۶ ایلینی چکمه‌لی اولاجاق.

قید ائدک کی، ژورنالیست مرزیه امیری بو ایل مایین ۱-ده دونیا زحمتکئشلرینین همرای‌لیک گونو (۱ مای) مناسیبتیله ایران پارلامنتی قارشی‌سین‌دا دینج اعتراض آکسییاسی کئچیرن فهله‌لرین توپلانتی‌سین‌دان رپورتاژ حاضیرلایارکه‌ن ملکی گئییم‌لی اطلاعات امکداشلاری طرفین‌دن توتولوب.